Kwamamaza

Harashakishwa abakinnyi 20 bazakina muri filime “Ukuri kw’ibyahise”

Yanditswe kuya 11-01-2013 saa 13:34' na Vénuste Kamanzi
     


Itsinda rimaze kumenyerwa mu gutunganya no kuyobora amafilime rizwi nka “Strong Unit Films” rirashaka abakinnyi 20 bagomba kuzakina muri filime nshya bateganya gusohora muri Kamena uyu mwaka bise “Ukuri kw’ibyahise”.
Abasore n’inkumi bafite hagati y’imyaka 22 na 27 n’abakuze, ni bo bifuzwa nk’uko twabitangarijwe na Rukundo Arnold umuyobozi wa Srong Unit Films, ndetse anatubwira ko kugeza ubu umushinga w’iyi filime usa n’uwarangiye, igisigaye ari ukubona abakinnyi hanyuma mu kwezi kwa Werurwe (...)

Itsinda rimaze kumenyerwa mu gutunganya no kuyobora amafilime rizwi nka “Strong Unit Films” rirashaka abakinnyi 20 bagomba kuzakina muri filime nshya bateganya gusohora muri Kamena uyu mwaka bise “Ukuri kw’ibyahise”.

Abasore n’inkumi bafite hagati y’imyaka 22 na 27 n’abakuze, ni bo bifuzwa nk’uko twabitangarijwe na Rukundo Arnold umuyobozi wa Srong Unit Films, ndetse anatubwira ko kugeza ubu umushinga w’iyi filime usa n’uwarangiye, igisigaye ari ukubona abakinnyi hanyuma mu kwezi kwa Werurwe bagatangira gufata amashusho yayo.

Rukundo Arnold, Umuyobozi wa Strong Unit Films

Rukundo ariko anavuga ko n’ubwo bamaze kubona abantu bagera muri 40 bahatanira imyanya 20, bagikeneye no kubona abandi kugira ngo abazatoranywa bazabe babishoboye, abifuza guhatanira kuza muri iyi myanya bakaba basabwa kuzagera ku nzu y’urubyiruko ya Kimisagara kumatariki ya 14, 15 na 16 uku kwezi buri saa Kumi z’umugoroba (16:00).

Nkuriza Fils Fulgence, umwe mu bagize Strong Unit Films avuga ko iyi filime izaba igaruka ku mibanire y’abantu muri rusange, ariko inabakangurira kugira ubushihozi mu guhitamo imibanire yawe n’abandi.

Uretse filime “Ukuri kw’ibyahise” biteganijwe ko izarangira itwaye nibura miliyoni eshanu z’amafanga y’u Rwanda. Si iyo gusa Strong Unit Films igiye kugiramo uruhare, kuko n’izamenyekanye nka “Ntaheza h’isi” na “Rucumbeka” izasohoka muri Gashyantare ari bo bazitunganije.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved