Jackie Chan ntazongera gukina film z’imirwano

Jackie Chan ntazongera gukina film z’imirwano


Yanditswe kuya 19-05-2012 - Saa 13:28'

Umukinnyi w’icyamamare muri sinema, Jackie Chan agiye gusohora film y’imirwano bwa nyuma. Yabitangarije i Cannes mu ijoro ryo kuwa gatanu tariki 18 Gicurasi 2012.

Jackie Chan yari yajyanywe i Cannes no kumurika iyo film y’imirwano yitwa ‘Chinese Zodiac’ izasohoka tariki 12 Ukuboza 2012.

Nk’uko tubikesha ikinyamakuru 7sur7, mu kumurika iyo film yaboneyeho kubwira abafana be ko ariyo film y’imirwano aherukiyeho.

Aho yagize ati: “Izaba ari yo film y’imirwano ya nyuma nsohoye.”

Jackie Chan ufite imyaka 58 y’amavuko yongeyeho ko ashaje cyane ku buryo atamenya igihe asigaje mu mwuga wa sinema.

Yabivuze agira ati: “Maze gusaza cyane. Sinamenya igihe ubushobozi bwanjye bushigaje. Ndateganya kongera gukina Karate Kid 2 ndetse na Rush Hour 4.
Ariko noneho ndashaka kuba umukinnyi nyawe. Ndashaka ko abantu bamenya ko ntazi kurwana gusa. Nshoboye no gukina. Ngiye kubereka Jackie Chan nyawe.”
Jackie Chan yatangiye gukina sinema mu mwaka w’1972, amaze gukina film zirenga ijana. Muri iyi film agiye gusohora, azakina ku mateka y’igihugu cye cy’u Bushinwa.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO