Kwamamaza
  IGIHE.com

Rwanda Film Festival yugururiye amarembo Abanyarwanda bifuza gutunganya amafilime

Yanditswe kuya 28-01-2013 saa 13:49' na Richard Irakoze
     


Mu gihe hitegurwa Iserukiramuco Nyarwanda ry’Amafilime (Rwanda Film Festival-RFF) Rwanda Cinema Center irashishikariza abasanzwe bayatunganya n’abifuza kwinjira muri uwo mwuga kohereze ibihangano byabo bikazatorwamo ibizamurikirwa abantu.
Iri serukiramuco ryahawe insanganyamatsiko igira iti "Our Mothers, Our Heroes-ababyeyi bacu, intwari zacu", hagaragazwa uruhare rw’umugore mu kubaka igihugu nk’urugero rwiza u Rwanda rutanga ku isi.
Romeo Umulisa, umwe mu bayobozi ba Rwanda Film Festival, (...)

Mu gihe hitegurwa Iserukiramuco Nyarwanda ry’Amafilime (Rwanda Film Festival-RFF) Rwanda Cinema Center irashishikariza abasanzwe bayatunganya n’abifuza kwinjira muri uwo mwuga kohereze ibihangano byabo bikazatorwamo ibizamurikirwa abantu.

Iri serukiramuco ryahawe insanganyamatsiko igira iti "Our Mothers, Our Heroes-ababyeyi bacu, intwari zacu", hagaragazwa uruhare rw’umugore mu kubaka igihugu nk’urugero rwiza u Rwanda rutanga ku isi.

Romeo Umulisa, umwe mu bayobozi ba Rwanda Film Festival, asaba abiyumvamo impano yo gutunganya amashusho gutinyuka bakamurikira amahanga ibitekerezo byabo biturutse mu byiza u Rwanda.

Yagize ati “Icyiciro gishya kiregereje, kandi tunejejwe n’ibyo twiteze mu isabukuru twizihiza y’imyaka icyenda, kandi ni inkuru nziza ku batunganya amafilme mu Rwanda. Rwanda Film Festival irabasaba guhaguruka mugafata Camera zanyu, mukajya gutunganya amashusho, mukagaragaza ibitekerezo byanyu.”

Umulisa yongeraho ko mu Rwanda hari ibintu byinshi bishobora gufasha abifuza guhanga kugera ku nzozi zabo, ati “Buri wese mu Rwanda afite uburyo ashobora guhanga muri mwuga wa gukora filme, mu Rwanda dufite impano nyinshi, ikirere n’imirambi byiza, igihugu cyiza gifite umutekano kibereye ishoramari bikwiriye kwerekanwa binyujijwe muri sinema (cinema).”

Uyu mwaka mu iserukiramuco Nyarwanda ry’Amafilme hazerekanwa ayatunganyijwe n’Abanyarwanda, habeho no kungurana ibitekerezo ku bayatunganyije no kubafana.

Kohereza amafilme y’irushanwa wabikora kuri internet unyuze ku rubuga rwa http://rwandafilmfestival.net/

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved