Basketmouth yatangariye ubwiza bw’abakobwa b’i Kigali bwatumye ahorana amashyushyu yo kuza mu Rwanda

Yanditswe na Uwiduhaye Theos
Kuya 31 Werurwe 2019 saa 09:29
Yasuwe :
0 0

Umunyarwenya Bright Okpocha wamamaye nka Basketmouth ufite inkomoko muri Nigeria, yatangaje ko yahoranye indoto zo kuza mu Rwanda biturutse ku bwiza bw’abakobwa b’i Kigali yahoraga yumva abantu bashimagiza ndetse n’isuku.

Basketmouth yageze i Kigali ku mugoroba wo ku wa Gatatu, yitabiriye iserukiramuco ry’urwenya ryateguye na Nkusi Arthur uzwi nka Rutura ryitwa Seka Fest.

Iri serukiramuco riri kuba ku nshuro ya kabiri rizitabirwa n’abanyarwenya bakomeye muri Afurika barimo Basketmouth, Eric Omondi wo muri Kenya, Salvador, Alex Muhangi, Teacher Mpamire bo muri Uganda ndetse n’abandi bo mu Rwanda.

Mu kiganiro n’itangazamakuru cyabaye kuri uyu wa Gatanu, Basketmouth yagarutse ku byo ahishiye abantu bazitabira igitaramo cy’umwenya azakora kuri iki Cyumweru muri Expo Ground i Gikondo. Kwinjira ni ukuva ku 5000 Frw kugera ku 20 000 Frw, amatike agurirwa kuri arthurnation.rw

Yavuze ko azatera urwenya rwa Son of Peter ruvuga ku buzima bwe n’ubunararibonye yagiye abona nyuma y’imyaka amaze ku Isi.

Uyu munyarwenya yabajijwe ikintu azi ku Rwanda, mu gusubiza yavuze ko icya mbere ari abakobwa batagira uko basa yumvaga baba mu Rwanda.

Ati “Akenshi najyaga nyura hano, ku Kibuga cy’Indege ariko singere mu gihugu bikantera ishyari nkumva ko ngomba kuzaza gutaramira inaha. U Rwanda rufite ibintu byinshi byo kwishimirwa , mufite igihugu gifite isuku yihariye, cyuzuye umutekano kandi gifite abagore beza.”

Yabaye nk’utera urwenya avuga ko afite umugore ariko amategeko bagenderaho ari ayo muri Nigeria ubwo akaba atamugenga mu gihe ari i Kigali.

Avuga ko yakunze amafu yo mu Rwanda ndetse ashaka kuzazana n’umugore we ariko bakarara ukubiri, ati ‘ubutaha nzamuzana hano turare muri hoteli zitandukanye , hano mufite abagore beza cyane b’ibizungerezi. Najyaga mbyumva ariko nabyiboneye.”

Uyu munyarwenya yavuze ko abagore bo mu Rwanda bashobora gutuma umuntu aza, akajya agenda agaruka kubera ukuntu bateye amabengeza.

Basketmouth yabajijwe ibanga yakoresheje kugira abe umwe mu bakora urwenya bakomeye muri Afurika. Yavuze ko nta muntu ushobora kugera ku cyo yifuza mu gihe adamaraye, ati “Nta gihe na kimwe umuntu ashobora kugera ku ndoto ze mu gihe yumva adamaraye.”

Yakomeje avuga ko gusetsa bitameze nko kuririmba kuko byo umuntu ashobora gukora indirimbo imwe, akajya ayiririmba ahantu hatandukanye akayisarumo amafaranga ndetse n’abana be bikabagirira akamaro mu gihe kiri imbere.

Abanyarwenya bakizamuka bazahabwa umwanya bagaragaze impano zabo
Basketmouth yavuze ko Abanyarwanda abahishiye urwenya rurimo ubuzima bwe kuva mu bwana
Nkusi Arthur wateguye Seka Fest

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza