Perezida Obama yahaye urwenya abari muri White House

Yanditswe na Olivier Muhirwa
Kuya 1 Gicurasi 2012 saa 12:25
Yasuwe :
0 0

Ni mu mugoroba uhuza abanyamakuru, abanyapolitiki n’ibihangange by’i Hollywood bari bahuriyemo batagiye kuganira gusa ku bibazo byugarije Isi muri iki gihe, ahubwo no kuganira bagaseka.
Amakuru dukesha France 24 ni uko ari ku nshuro ya kane umugoroba uba ku ngoma ya Obama. Muri uyu mwaka hateganyijwe kubamo amatora, Perezida Obama ntiyibagiwe gutumira abo bazaba bahanganye bo muri ishyaka ry’aba Republican.
Obama mu magambo ye, yagarutse ku byo ahuriyeho na mugenzi we bazaba bahanganye mu (...)

Ni mu mugoroba uhuza abanyamakuru, abanyapolitiki n’ibihangange by’i Hollywood bari bahuriyemo batagiye kuganira gusa ku bibazo byugarije Isi muri iki gihe, ahubwo no kuganira bagaseka.

Amakuru dukesha France 24 ni uko ari ku nshuro ya kane umugoroba uba ku ngoma ya Obama. Muri uyu mwaka hateganyijwe kubamo amatora, Perezida Obama ntiyibagiwe gutumira abo bazaba bahanganye bo muri ishyaka ry’aba Republican.

Obama mu magambo ye, yagarutse ku byo ahuriyeho na mugenzi we bazaba bahanganye mu mpera z’Ugushyingo Mitt Romney.

Yagize ati: “Twembi twizera ko abagore bacu aribyo bice byiza byacu, ndetse n’ijanisha rikaba ryerekana ko Abanyamerika nabo babyemera. Twembi dufite impamyabumenyi zo muri Harvard, mfite imwe, we afite ebyiri.”

Obama ntabwo yateye urwenya wenyine kuko na Jimmy Kimmel uzwiho kuba umunyarwenya akaba ari nawe wayoboye uyu mugoroba, yafashe akanya aho yagarutse ku kuba Obama ashobora kuba atatsindira manda ya kabiri.

Mu bari batumiwe harimo ibirangirire by’i Hollywood nka George Clooney, Steven Spielberg, Goldie Hawn na Sigourney Weaver.

Amafaranga akusanywa muri iri joro avamo buruse y’abiga itangazamakuru akanahemba n’abanyamakuru bagaragaje ibikorwa by’intangarugero.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza