Amakuru mashya
1 | 2 | 3 | 4 | 5 | 6 | 7 | 8 | 9 |...
Youth4Rwanda
kwamamaza
-->
TARIKI 22 GICURASI : Mu mateka

Tariki 22 Gicurasi mu mateka ni umunsi w’143 mu minsi igize umwaka, hasigaye iminsi 223 umwaka ukagera ku musozo.

Bimwe mu byaranze uyu munsi mu mateka

334: Igisirikare cya Macedoniya cyiyobowe na Alexander the great yatsinze umwami Darius III w’igihugu cya Persia mu gitero cyabereye ku mugezi witwa Granicius.

Ku mugezi wa Granicusni hamwe mu hantu hatatu hakomeye habereye ibitero bikomeye hagati ya Alexender the great n’ubwami bwa Persia.

Alexander The Great, ni umwami w’igihugu cya Macedoniya wari ufite izina ry’ubwami rya Alexender III uzwi cyane ku izina rya Alexedre le Grand yavutse tariki hagati y’itariki 20 na 21 mu kwezi kwa Nyakanga mu mwaka w’356 mbere y’ivuka rya Yezu, avukira ahitwa Pella atabaruka hagati y’itariki 10 na 11mu kwezi kwa Kamena mu mwaka 323 mbere y’ivuka rya Yezu.

JPEG - 12.4 kb
Alexander The Great, ni umwami w’igihugu cya Macedoniya

kuvuga amatariki yavutseho cyangwa yapfiriyeho hakoreshwa hagati y’amatariki abiri kubera ko hatazwi umunsi nyawo, akura akaba yarigishijwe n’umufirozofe ukomeye mu mateka yaranze isi witwa Aristotle.

Yagiye ku ngoma asimbuye se PhilipII wari umaze kwicwa, PhilipII yari yarigaruriye uduce imijyi myinshiyo mu gihugu cy’u Bugereki akoresheje uburyo bwa gisirikare cyangwa Dipolomasi.

Uyu mugabo afatwa nk’indwanyi ikomeye kandi wari uzi kuyobora ibikorwa by’intambara mu buryo bwa gihanga cyane mu mateka y’iyi si.

1807: Agace kanini k’umujyi wo mu gihugu cy’u Bwongereza uherereye hagati y’umijyi wa Newton Abbot na Exeter ariwo Chudleigh wibasiwe n’inkongi y’umuriro.

1848: Mu kirwa cya Martinique hahagaritswe icuruzwa ry’abacakara.

1960: Igihugu cya Chili kibasiwe n’umutingito ukaze wari ku gipimo cy’9,5 mu ngero z’imitingito za Richter.

1987: Mu gihugu cy’u Buhinde mu Mujyi wa Meerut, hakozwe ubwicanyi bwiswe Hashimpura.

1992: Bosnia, Herzegovina, Croatia ndetse n’igihugu cya Slove byinjiye mu muryango w’Abibumbye.

Bamwe mu bavutse uyu munsi

1874: Daniel François Malan,wabaye Minisitiri w’Intebe w’igihugu cy’Afurika y’Epfo.

1947: Andreas Gerasimos Michalitsianos, umuhanga mu bijyanye n’ubugenge, ufite ubwenegihugu bw’Ubugereki na Leta Zunze Ubumwe z’Amerika akaba yakoreye ikigo NASA ashinzwe ubumenyi bw’ikirere (astronomer).

1979: Maggie Q uzwi cyane muri filime yitwa nikita, umukinnyi wa sinema, akerekana imideri w’Umunyamerikakazi.

Bamwe mu batabarutse uyu munsi

1802: Martha Washington, umugore wa perezida wo muri Leta Zunze Ubumwe z’Amerika, George Washington.

1997: Alfred Hershev, Umunyamerika wahawe igihembo kitiriwe Nobel mu bijyanye n’Ubuvuzi.

2006: Lee Jong-wook, Umunyakoreya wayoboraga ishami ry’umuryango w’Abibumbye ryita ku buzima.