Amakuru mashya
... | 31 | 32 | 33 | 34 | 35 | 36 | 37 | 38 | 39 | 40
kwamamaza
-->
IGIHE Events
  • Red Avenue
    Red Avenue
  • Hari ayandi mashimwe
    Hari ayandi mashimwe
Tariki 3 Kamena : Mu mateka

Tariki 3 Kamena mu mateka ni umunsi w’154 mu minsi igize umwaka, hasigaye iminsi 211 uyu mwaka ukagera ku musozo.

Bimwe mu by’ingenzi byaranze uyu munsi

1850: Muri Leta Zunze Ubumwe z’Amerika hashinzwe umujyi wa Kansas, uherereye muri Leta ya Missouri.

1962: Indege ya Air France Boeing 707 yakoze impanuka ihitana abari bayirimo bose 130.

1963: Ingabo za Repubulika ya Vietnam y’Epfo zagabye igitero ku bayoboke b’idini ya Buddha bari bari kwigaragambiriza ahitwa Huế, aho izi ngabo zabateye ibyuka biryana mu maso, abantu bagera kuri 67 bashyizwe mu bitaro.

1980: Inkubi y’umuyaga yibasiye umujyi wa Grand Island muri Leta Zunze Ubumwe z’Amerika, aho yangije ibintu bifite agaciro kagera kuri miliyoni 500 z’amadolari y’Amerika.

1982: Uwari uhagarariye inyungu z’igihugu cya Israel mu Bwongereza Shlomo Argov yarasiwe mu Mujyi wa London, nyuma yashoboye kurusimbuka uretse ko byamuviriyemo ubumuga.

1984: Hakozwe Operation Blue Star, igikorwa cya Gisirikare cyakozwe n’ingabo z’igihugu cy’u Buhinde bitegetswe na Indira Gandhi wari Minisitiri w’Intebe maze bagaba igitero ahitwa Golden Temple mu Mujyi wa Amritsar hagamijwe kwirukanwa abanyeshuri bayibagamo bo mu bwoko bw’aba Sikhs, iki gitero cyageze ku itariki ya 6 uko kwezi kirangira gihitanye gikomerekeje abaturage 5000.

1989: Guverinoma y’u Bushinwa yahereje ingabo ku rubuga rwa Tiananmen, ruherereye mu Mujyi wa Beijing hagamijwe kwirukana abahigaragambirizaga. Mu minsi yakurikiyeho, ubwicanyi bwahabereye buzwi nka Tiananmen Square Massacre. Guverinoma y’u Bushinwa yaje gutangaza ko haguye abagera kuri 261, ariko Croix-Rouge yo itanga umubare w’abarenga 2600.

Bamwe mu bavutse uyu munsi

1844: Garret Hobar, wabaye visi Perezida wa Leta Zunze ubumwe z’Amerika.

1929: Werner Arber, wahawe igihembo cyitiriwe Nobel mu bijyanye n’ubuvuzi.

Bamwe mu batabarutse uyu munsi

1975: Ozzie Nelson, Umunyamerika watunganyaga, akayobora ndetse akanakina amafilimi.

1975: Eisaku Sato, wabaye Minisitiri w’intebe mu gihugu cy’u Buyapani, wanahawe igihembo cy’amahoro cyitiriwe Nobel.