kwamamaza
Amakuru mashya
... | 26 | 27 | 28 | 29 | 30 | 31 | 32 | 33 | 34 | 35
Bahagaze Gute?
kwamamaza
kwamamaza
-->
Tariki 31 Gicurasi : Mu mateka

Tariki 31 Gicurasi ni umunsi w’151 mu minsi igize umwaka, hasigaye iminsi 214 umwaka ukagera ku musozo.

Bimwe mu by’ingenzi byaranze uyu munsi

1279 (Mbere y’ivuka rya Yezu): Ramsès II yabaye umwami (pharaoh) wa Misiri.

1805: Ingabo z’igihugu cy’u Bufaransa na Espagne zishyize hamwe mu rwego rwo kurwanya ingabo z’Abongereza zari zarigaruriye urutare ruzwi nka Diamond Rock (Rocher du Diamant).

Uru rutare rufite ubuhagarike bwa metero 175 ruherereye mu Majyepfo y’u Bufaransa mu kirwa kidatuwe mu bigize Caribbean, rukaba rwararwaniwe n’izi ngabo mu ntambara za Napoléon, Abafaransa bayobowe na Kapiteni Julien Cosmao bifatanyije n’ingabo za Espagne ziyobowe na Kapiteni Federico Gravina zabashije gutsinda Abongereza.

1854: Mu gihugu cy’u Bufaransa hahagaritswe itegeko ryagenaga ibihano byo kwamburwa uburenganzira bwose nk’umwenegihugu (bizwi mu rurimi rw’Icyongereza nka Civil death).

1889: Umwuzure wiswe Johnstown wibasiye Umujyi wa Johnstown muri leta ya Pennsylvania muri Leta Zunze Ubumwe z’Amerika, uhitana abantu 2200.

1910: Hashinzwe igihugu cy’Ubumwe bwa Afurika y’Epfo. Iyi niyo yaje gusimburwa na Repubulika y’Afurika y’Epfo mu mwaka w’1961 kuri iyi tariki, ikaba yarashinzwe nyuma yo kwihuza kwa Leta ya Cape, Natal, Transvaal, na Leta y’igenga ya Orange.

1935: Umutingito wari ku rugero rwa 7 ku gipimo cya Richter wasenye bikomeye Quetta mu gihugu cya Pakistan, uhitana imbaga y’abantu bangana n’40 000.

Bamwe mu bavutse uyu munsi

1443: Lady Margaret Beaufort, nyina w’umwami Henry VII w’u Bwongereza.

1945: Laurent Gbagbo, wabaye Perezida wa kane wayoboye igihugu cya Côte d’Ivoire kuva mu mwaka w’2000 kugera ku ifatwa rye mu mwaka w’2011.

Uretse kuba yarabaye Perezida, yigeze kuba umwarimu w’Ubutabire n’Ubugenge (Chemistry and Physics).

Bamwe mu batabarutse uyu munsi

1987: John Abraham, wabaye umuyobozi w’ikorwa ry’amafilimi mu gihugu cy’u Buhinde.

2006: Raymond Davis Jr., Umunyamerika wahawe igihembo cyitiriwe Nobel mu bugenge (Physics).