Amakuru mashya
1 | 2 | 3 | 4 | 5 | 6 | 7 | 8 | 9 |...
Tariki 29 Ugushyingo : Mu mateka

Tariki 29 Ugushyingo ni umunsi wa 333 mu minsi igize umwaka, urebye ku ngengaminsi ya Grégoire. Hasigaye iminsi 32 uyu mwaka ukagera ku musozo wawo.

Bimwe mu byaranze uyu munsi mu mateka

800: Nibwo Umwami Charlemagne yageze i Roma mu rwego rw’iperereza ku byaha byaregwaga Papa Léon III.

1877: Thomas Edison yerekanye phonograph ye ku nshuro ya mbere. Phonograph cyangwa gramophone ni igikoresho cyakoreshejwe cyane mu myaka ya za 1870-1980 mu gucuranga ibijyanye n’amajwi ya muzika.

1899: Nibwo hashinzwe ikipe y’umupira w’amaguru yo mu gihugu cya Espagne izwi nka FC Barcelona, ishingwa na Joan Gamper.

1910: Ernest E. Sirrine yahawe uburenganzira nk’uwahimbye amatara yo ku mihanda tumenyereye nka feux-rouges ku nshuro ya mbere.

1922: Igituro cya Pharaon Tutankhamun cyasuwe bwa mbere n’abaturage nyuma yo kuvumburwa na Howard Carter, uyu akaba yari Umwongereza wazobereye mu bijyanye n’amateka ya Misiri.

1929: Umunyamerika Richard Byrd ni we wabaye umuntu wa mbere wagurukiye mu mpera yo hepfo y’isi (South Pole).

1961: Inguge yitwa Enos yoherejwe mu kirere mu mushinga wiswe Mercury, ibasha kuzenguruka umubumbe w’isi inshuro ebyiri, hanyuma iza guhanukira ku nkombe zo muri Puerto Rico muri Amerika y’Amajyepfo.

Enos yavanywe i Miami tariki ya 3 Mata 1960. Yamaze amasaha arenga 1250 yigishwa cyangwa se itozwa ku birebana n’ubutumwa yari igiye kujyamo muri kaminuza ya Kentucky. Ayo mahugurwa yayo yarutaga kure ayakozwe na Ham, inguge ya mbere yoherejwe n’Abanyamerika hirya y’umubumbe w’isi ku itariki ya 4 Ugushyingo 1962. Enos yaje gushiramo umwuka izize indwara y’impiswi, kuko yari imaze kugira ubudahangarwa ku miti (antibiotics) y’icyo gihe.

Bamwe mu bavutse uyu munsi

1921: Jacqueline ’Jackie’, Nyina w’igihangange mu gukina filimi Michael Sylvester Gardenzio Stallone uzwi cyane muri filimi nka Rambo ndetse abenshi bakaba bararimwitiriye.

1964: Umunyamerika Don Cheadle uzwi cyane muri film Hotel Rwanda.

Don Cheadle

Bamwe mu batabarutse uyu munsi

2007: James Barber ukomoka mu gihugu cya Canada; yari umwanditsi ukomeye.

2007: Ralph Beard, umukinnyi wa Basketball wo muri Amerika.

2010: Maurice Wilkes, Umwongereza wari umuhanga mu bijyanye n’ubumenyi bwa mudasobwa.

Maurice Wilkes