ADEPR iratangiza radio na televiziyo bitarenze uyu mwaka

Yanditswe na Kanamugire Emmanuel
Kuya 15 Ukwakira 2016 saa 07:44
45 31

Ubuyobozi bw’Itorero rya Pentekote mu Rwanda, ADEPR bwatangaje ko bugiye gutangiza Radio na Televiziyo bizibanda ku ivugabutumwa, mbere y’uko uyu mwaka urangira.

Kuri uyu wa Gatandatu tariki ya 15 Ukwakira 2016, ni bwo ADEPR yabisobanuye mu nama yahurije hamwe abakiristo barenga ibihumbi bibiri baturutse hirya no hino ma Paruwasi 390 agize ADEPR, aho buri Paruwasi yohereje abantu bagera kuri batanu.

Umuvugizi Wungirije Ushinzwe Ubuzima bw’Itorero, Bishop Tom Rwagasana yatangaje ko Radio na Televiziyo bizajya byifashishwa mu gutangaza amakuru arebana n’Ivugabutumwa.

Yavuze ko bitarenze uyu mwaka umushinga w’ibi bitangazamakuru uzaba washyizwe mu bikorwa.

Biteganyijwe ko amafaranga agera kuri miliyoni 200 azakenerwa ku ikubitiro azava mu misanzu y’abafashamyumvire b’iri torero nk’uko ubuyobozi bwabitangaje.

Bishop Tom Rwagasana yakomeje avuga ko bahisemo gushinga radio na televiziyo kuko basanze ADEPR na yo ikeneye itangazamakuru ryayo riyifasha muri gahunda n’imishinga myinshi iriteza [itorero]imbere bafite.

Pasiteri Nzabonimpa Oscar, waturutse i Rubavu yagize ati “ Rwose iki ni igikorwa cyiza, natwe twiteguye gutanga umusanzu wacu kugira ngo duteze itorero ryacu imbere.”

Bamwe muri izi ntumwa z'abakirisitu bashyigikiye uyu mushinga biyemeza kuwutera inkunga
Abakirisitu bavuye hirya no hino mu gihugu bari bishimiye ibikorwa ADEPR imaze kugeraho
Abayoboke ba ADEPR basuye Dove Hotel banaganirizwa ku mushinga wo gutangiza radio na televiziyo
Umuvugizi Wungirije Ushinzwe Ubuzima bw’Itorero, Bishop Tom Rwagasana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE