Kwamamaza

Mu mateka ya Islam, Umuyobozi w’aba-Sheikh mu Rwanda yahawe imodoka y’akazi

Yanditswe kuya 15-10-2016 saa 20:42' na Thamimu Hakizimana


Ubuyobozi bw’Umuryango w’Abayisilamu mu Rwanda, RMC bwashyikirije imodoka Sheikh Nzahayo Kasimu, Umuyobozi w’abamenyi ku rwego rw’igihugu, kugira ngo bimworohereze akazi akora buri munsi.

Kuri uyu wa Gatandatu tariki ya 15 Ukwakira 2016, ni bwo Umuyobozi wa RMC, Sheikh Hitimana Salim, yashyikirije Nzahayo Kasimu iyi modoka yo mu bwoko bwa Rava 4.

Kuva idini ya Islam yatangira gukorera mu Rwanda, ni bwo bwa mbere Umuyobozi w’Abamenyi baryo (Sheikh wa Majirisi ) ahawe imodoka yo gukoresha.

Ibi bamwe babifata nk’ikimenyetso cy’impiduka mu idini ya islam mu
Rwanda, ugereranyije n’uko mu minsi yashize aba-Sheikh bagaragazaga ko nta jambo bahabwa muri RMC.

Sheikh Hitimana Salim, yabwiye IGIHE ko iyi modoka izafasha uyu muyobozi kuzuza inshingano ze mu gihe gito.

Yagize ati “ Tuyimuhaye kugira ngo tugaragaze ko ibwirizabutumwa rikwiye gukorwa bijyanye n’igihe tugezemo, mu buryo bwihuse.”

Yakomeje avuga ko kuba uyu muyobozi yahawe imodoka bitavuze ko hari inshingano nshya yahawe ahubwo hagamijwe ko uru rwego rw’aba-sheikh rukora akazi karwo kandi rugatanga umusaruro mwiza.

Sheikh Nzahayo Kasimu we yavuze ko iyi modoka izamufasha byinshi birimo no kumenya ubutumwa butangirwa mu Ntara zitandukanye z’igihugu cyane cyane ko hari ubwatangwaga rwihishwa atabizi.

Yagize ati “ Iyi modoka izamfasha kuzuza inshingano nkora za buri munsi kandi vuba. Twakeneraga imodoka yo kutujyana mu bice bitandukanye tukayikodesha ku buryo byanadusabaga amafaranga menshi.”

Yakomeje avuga hari amakuru menshi yamenyaga ariko akabura uburyo bwo kuyakurikirana vuba, bitewe no kutagira imodoka ye bwite.

RMC iteganya ko uko ibonye ubushobozi, izagenda iha abandi bamenyi mu idini (aba-sheikh) imodoka n’ibindi bikoresho nkenerwa kugira ngo babashe kunoza akazi, kuko ari bamwe mu bafite inshingano zikomeye mu idini ya Islam.

Sheikh Nzahayo Kasimu ashyikirizwa urufunguzo rw'imodoka
Imodoka Sheikh Nzahayo Kasimu yahawe yitezweho kumufasha gutanga umusaruro mu kazi
Aba-Sheikh bari bitabiriye uyu muhango
Umuyobozi wa RMC, Sheikh Hitimana Salim

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved