Papa Francis asanga ari byiza kwibera umuhakanyi aho kuba umukirisitu mubi

Yanditswe na IGIHE
Kuya 24 Gashyantare 2017 saa 08:46
Yasuwe :
2 0

Umushumba wa Kiliziya Gatolika, Papa Francis yatangaje ko aho kuba umukirisitu wishushanya, ukunda isi agakunda n’ijuru cyangwa ukora ibikorwa ’by’umwanda’, ibyiza ari ukureka kwiyita umwizera.

Yabitangaje mu nyigisho yatanze kuri uyu wa Kane i Roma mu Butaliyani.

Yagize ati “Abantu benshi ni ko bameze kandi bagusha bagenzi babo.Twabibwiwe kenshi ariko kuba umugatolika umeze gutyo byaba byiza ubaye umuhakanyi.Nabyita ikigusha.Ikigusha ni ukuvuga ikintu ugakora ikinyuranyo cyacyo.”

Ibi bifatwa nk’icyaha muri Kiliziya Gatolika.

Ingero za bene ibi byaha Papa yakomojeho ni iby’abikubira amafaranga y’ibigo bayobora bakinezeza ku mucanga nyamara abakozi babo bamerewe nabi.

Inyigisho ya Papa yari ishingiye ku magambo yasomye ari mu ivanjiri ya Mariko 9.42 aho Yezu yavuze ko “Umuntu wese uzashuka umwe muri aba bato banyizera akamugusha, ibyiza ni uko yahambirwa urusyo mu ijosi akarohwa mu nyanja."

Yagarutse kandi ku bayobozi b’ibigo by’ubucuruzi bashyigikira ibikorwa bya magendu, abarimu bahohotera abanyeshuri n’abigisha ingeso mbi.

Aha yerekeza ku kuba “umuntu wese woshya abandi ibibi haba mu buryo buziguye cyangwa butaziguye bikwiye kumujya ku mutwe” nk’uko Kiliziya ibivuga.

Inkuru ya CNN ivuga ko ubwo Papa Francis yagereranyaga abakirisitu b’indyarya n’abahakanyi yashakaga kurengera no kubungabunga intama ashinzwe kuyobora.

Papa atekereza uburyo abakirisitu b’ikinyoma bazakomanga ku rugi rw’ijuru babwira Imana ngo “narasengaga, nari mu itsinda iri n’iri, nakoze ibi n’ibi, ntiwibuka amaturo yanjye?”

Avuga ko ari bo Yezu azasubiza ati “"Yego ndabyibuka. Amaturo ndayibuka:yanduye. Yose yibwe abakene.Sinkuzi. Icyo ni cyo gisubizo cy’ababaho ubuzima bw’ibyerekezo bibiri.”

Aha yakomeje avuga ko kuba umukirisitu bivuze kubahaririza ugushaka kw’Imana kugeza ku munsi wa nyuma w’umuntu ubwo azabazwa n’Imana ibyo yakoze aho kuba ibyo yavuze.

Si ubwa mbere Papa akomoza ku buhakanyi kuko no mu mwaka wa 2013 yabivuzeho ‘ko imiryango y’ijuru ifunguye ku bantu bose harimo n’abahakanyi binyuze mu gitambo cy’amaraso Yezu yamennye.’

Umushumba wa Kiliziya Gatolika, Papa Francis/Ifoto:Internet

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244