Papa Francis yatabarije urubyiruko rwugarijwe n’ubushomeri

Yanditswe na Kanamugire Emmanuel
Kuya 1 Mutarama 2017 saa 03:50
Yasuwe :
1 0

Mu butumwa busoza umwaka wa 2016, Umushumba wa Kiliziya gatolika, Papa Francis yatanze, yasabye abayobozi hirya no hino ku Isi kugira icyo bakora ku kibazo cy’ubushomeri bwugarije urubyiruko.

Yabivugiye mu birori bisoza umwaka yagiriye kuri Bazilika yitiriwe Mutagatifu Petero (st peter’s Basilica) i Roma.

Ibiro Ntaramakuru by’Abongereza, Reuters dukesha iyi nkuru bivuga ko Papa Francis yavuze ko urubyiruko rukeneye gufungurirwa amayira arugeza ku nzozi zarwo.

Yagize ati “Duhoza urubyiruko ku nkeke nk’urutagira aho kuba kubera dushyira imbaraga nke mu bikorwa birufasha kwihaza mu byo rukeneye. Turuhatira guhora rugenda gusaba akazi aho katari cyangwa tukananirwa kurusezeranya ejo heza.”

Yakomeje avuga ko mu Butaliyani urubyiruko rudafite akazi rugera kuri 36%, rukagira 18% by’ibihugu 28% by’abatagira akazi mu bihugu by’I Burayi.

Yavuze ko Afurika ari yo ifite umubare munini w’urubyiruko rutagira akazi kandi ko mu 2016 wazamutse bikabije hafi ku kigero cya 30% muri Afurika ya ruguru (Raporo y’umuryango mpuzamahanga wita ku murimo).

Yanavuze ko ubukene no kubura amahirwe k’urubyiruko rw’Abanayafurika biri mu bituma bagerageza kujya mu bihugu by’i Burayi ari benshi.

Amato y’abimukira basaga ibihumbi 181 yiganjemo Abanyafurika yabashije kugera mu Butaliyani mu 2016, abagera ku bihumbi 25 bari abana kandi bakubye kabiri umubare wagaragaye mu 2015.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza