U Budage: Hafunguwe umusigiti abagore basengeramo begeranye n’abagabo batanipfutse mu mutwe

Yanditswe na Jean Pierre Tuyisenge
Kuya 18 Kamena 2017 saa 04:14
Yasuwe :
0 0

Mu Budage hafunguwe umusigiti aho abagore basenga begeranye n’abagabo ndetse bakaba n’abayobozi b’idini bitandukanye n’ibimenyerewe muri Islam.

Ni abayisilamu bafite umuhigo wo gushyiraho Islam iha uburenganzira buri wese. Mu mvugo imenyerewe cyane y’Icyarabu "Allahu Akbar" bivuga ngo Imana isumba byose, yumvikanye muri uwo musigiti wari wuzuye abaje gusenga wiswe ’Ibn Rushd-Goethe mu Mujyi wa Berlin ubwo umunya- Malaysia w’Umunyamerika, umwe mu ba Imam bake b’abagore ku Isi, Ani Zonneveld, yatangizaga isengesho.

Ibiro Ntaramakuru by’Abafaransa AFP byatangaje ko Umunyamategeko akaba n’impirimbanyi mu guharanira uburenganzira bw’abagore wagize uruhare mu itangizwa ry’uwo musigiti, Seyran Ates, yahaye ikaze abashyitsi b’abakirisitu n’abayahudi imbere y’imbaga y’abanyamakuru.

Yagize ati “Turashaka guha ubutumwa imitwe y’iterabwoba n’abakoresha iyobokamana ryacu nabi.”

Mu isura idasanzwe, abantu bari bapfukamye, abagabo basenga begeranye n’abagore, bunamye bareba i Maka nk’ibisanzwe, Imamu (Umuyobozi wabo) yavugaga mu rurimi rw’Ikidage, bamwe mu bagore bitipfutse mu mutwe kuko ho bitazajya biba ari itegeko.

Uwo musigiti mushya uje ari uwa 88 muri icyo gihugu, uherereye mu murwa Mukuru Berlin, ukorera mu cyumba kimwe gikodeshwa mu igorofa ya gatatu mu nyubako ikoreramo idini ry’abaporotesitanti.

Uyu musigiti washinzwe hatangaje ko uhaye ikaze buri wese yaba Umuyisilamu w’umu Sunni cyangwa uw’umu- Shiite ndetse n’ababana bahuje ibitsina na bo ntibahejwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza