Apôtre Gitwaza yahishuye ko hari pasiteri umusaba gusengera abamwandikaho ibinyoma Imana ikabica

Yanditswe na IGIHE
Kuya 21 Gashyantare 2017 saa 11:00
Yasuwe :
1 0

Intumwa y’Imana Paul Gitwaza ukunze kuvuga amagambo agateza impaka mu binyamakuru yahishuye ko hari umupasiteri ujya amusaba ko basengera abamwandikaho inkuru z’ibinyoma Imana ikabica.

Ibi Apôtre Paul Gitwaza yabivugiye mu masengesho yahuriyemo n’abaririmbyi b’ indirimbo zo kuramya no guhimbaza Imana bo mu matorero atandukanye kuri uyu wa 20 Gashyantare 2017.

Apôtre Paul Gitwaza, Umuyobozi w’Itorero Zion Temple ku Isi, yaherukaga kuvugwa mu nkuru zavugaga ko yirukanye bamwe mu bayobozi b’itorero rye. Ibi byakurikiwe n’indi nkuru ivuga ko itorero yashinze mu Bubiligi ryasenyutse ndetse ko abarivuyemo bahise bashinga iryabo.

Mu kiganiro yagiranye n’aba baririmbyi Apôtre Paul Gitwaza yavuze ko impuha n’ibinyoma bimuvugwaho ababyandika ari abakirisito n’abashumba b’abanyamashyari.

Yahishuye ko hari umukozi w’Imana warwanyaga ivugabutumwa rye ariko nyuma ngo yaje kumusaba imbabazi ndetse ubu ni inshuti magara. Uyu mupasiteri ngo akunze kugira inama Apôtre Paul Gitwaza ko yasengera abamwandikaho ibinyoma agasaba Imana ko yabica.

Yagize ati “Ajya angira inama yo gusengera abanyandikaho inkuru z’ibinyoma ngo Imana ibice. Naramuhakaniye mubwira ko ntakora ibintu nk’ibyo ahubwo mbasengera kugira ngo Imana ibafashe na bo bahinduke bamenye Imana.”

Intumwa y'Imana Gitwaza Paul ubwo yari mu masengesho n'abaririmbyi

Mu minsi yashize izina Gitwaza ryagiye rigaruka kenshi mu itangazamakuru rivugwa mu nkuru zitandukanye zirimo guhanura imperuka, gutandukana n’abo batangiranye umurimo w’ivugabutumwa, gukangurira abanyamurenge gusubira iwabo muri Congo, isanduku y’imana yakuye muri Isiraheli, guca inyuma uwo bashakanye, byigeze kuvugwa kandi ko akoresha imbaraga z’umwijima n’ibindi bitandukanye. Ibi byose yagiye abyamaganira kure kenshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244