Kigali: Polisi yaburiye abamotari n’abandi basengera mu mihanda

Yanditswe na Thamimu Hakizimana
Kuya 3 Gashyantare 2017 saa 10:08
Yasuwe :
0 0

Polisi y’u Rwanda yaburiye bamwe mu bamotari n’abandi baturage bose basigaye bagaragara barimo gusengera mu mihanda itandukanye y’Umujyi wa Kigali.

Ibi byatangajwe nyuma y’uko bamwe mu bagenda mu Mujyi wa Kigali bagaragaje ko babangamirwa cyane n’urujya n’uruza rw’ababa baje kumva ijambo ry’Imana riba riri kuvugwa n’abantu basengera mu nzira.

Hari abamotari basigaye bahura kabiri mu Cyumweru bagasengera mu marembo ya gare iherereye hafi y’inyubako ya CHIC mu rwego rwo kwihana ibyaha.

Bamwe mu basengera mu nzira barimo n’abamotari, bavuga ko bahitamo gusengera ahantu hose babonye harimo no mu mihanda bitewe n’uko nta hantu na hamwe habujijwe kuvugira ijambo ry’Imana, bakanibutsa abanyabyaha ko bagomba kwihana.

Umwe yagize ati “ Twe ahantu hose kuko nta hantu na hamwe habujijwe kuvugira ijambo ry’uwiteka kandi tubikora kugira ngo tunibutse abandi bantu bose ko bakwiye kwakira agakiza kuko nta n’uba azi igihe azashiriramo umwuka.”

Umuvugizi wa Polisi, SP Hitayezu Emmanuel, yabwiye IGIHE ko gusengera mu nzira bitemewe ndetse anaburira ababikora.

Yagize ati “ Bakwiye kumenya ko ibintu bijyanye no gusengera mu mu nzira bitemewe kubera ko umuntu wese ufite itorero cyangwa idini runaka asengeramo hari amategeko cyangwa amabwiriza agenga amatorero n’idini arimo aba akwiye kuyubahiriza.”

Yakomeje avuga ko abantu bose bifata bakajya gusengera mu mihanda cyangwa se gukorerayo ibindi bikorwa bijyanye n’imihango y’idini cyangwa amatorero kubihagarika.

Yakomeje avuga ko abo bakwiye kumenya ko bitemewe n’iyo hagizwe ababifatirwamo barakumirwa, bakanagirwa inama yo kugana insengero cyangwa imisigiti byabo.

Ikindi kandi asobanura ko iyo abantu bifuza gukorera ibiterane mu nzira babanza bakandikira inzego z’ibanze babisaba. Mu gihe habayeho ibijyanye no gusakuza bwo birahanirwa hashingiwe ku mabwiriza y’Umujyi wa Kigali ku bigendanye n’urusaku.

Bamwe mu basengera mu nzira mu Mujyi wa Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza