Korali Siloam igiye guhura na Hoziyana, Bosco Nshuti na Jado Sinza mu gitaramo cyo gushima Imana

Yanditswe na IGIHE
Kuya 6 Ukuboza 2017 saa 07:50
Yasuwe :
0 0

Korali Siloam ikorera umurimo w’Imana mu Itorero rya Pentekote (ADEPR) Kumukenke mu Murenge wa Gisozi, yateguye igitaramo gikomeye cyo gushima Imana muri izi mpera z’umwaka by’umwihariko ku ntambwe ifatika imaze gutera mu zikorera mu Mujyi wa Kigali.

Iki gitaramo kizaba ku itariki 10 Ukuboza 2017, kuri Dove Hotel i Kigali saa munani. Abazitabira iki gitaramo kandi bazabasha kubona album nshya y’amajwi ya korali Siloam izaba iriho indirimbo umunani.

Korali Siloam izafatanya na Hoziyana na yo iri mu zitajegajega muri ADEPR ikaba ikorera umurimo w’Imana muri Paruwase ya Nyarugenge. Izaba iri kumwe kandi n’abahanzi Bosco Nshuti uzwi cyane mu ndirimbo zitandukanye nka ‘Ibyo Ntunze’ ndetse na Jado Sinza uherutse gukorera igitaramo gikomeye mu nyubako ya Dove Hotel.

Mu kiganiro na Perezida wa Korali Siloam, Nkurunziza Jean Bosco, yavuze ko igitaramo nk’iki bagikora buri mpera z’umwaka bashima Imana kuri byinshi iba yarakoze mu mwaka wose haba mu rwego rw’itorero na buri muntu ku giti cye.

Nkurunziza yongeyeho ko ari umwanya mwiza wo gutaramira abakunzi ba Korali ayoboye bakidagadurana na yo mu mwami Yesu.

Korali Siloam imaze igihe kitari gito ikora umurimo w’ivugabutumwa mu buryo bw’indirimbo zihimbaza Imana,ikaba imaze kuzenguruka ibice bitandukanye by’igihugu mu biterane n’ibitaramo iba yatumiwemo.

Album iriho itegurwa ni iya kane y’amajwi ndetse mu mwaka utaha bakaba bateganya kuyikorera amashusho.

Korali Siloam ya ADEPR Kumukenke yateguye igitaramo
Korali Hoziana ya ADEPR Nyarugenge izifatanya na Siloam mu gitaramo cyo gushima Imana no kumurika album y'indirimbo z'amajwi

Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza