Restoration Church yongeye gutegura umugoroba w’isanamitima

Yanditswe na IGIHE
Kuya 9 Kamena 2017 saa 03:32
Yasuwe :
0 0

Ku nshuro ya kabiri Urubyiruko rwa Evangelical Restoration Church Kimisagara rwateguye umugoroba w’isanamutima n’ivugabutumwa wiswe “Overflowing life”.

Ibikorwa byawo bizamara iminsi itatu kuva kuri uyu wa Gatanu tariki 9 Kamena kugeza ku Cyumweru tariki 11 Kamena 2017.

Uyu mugoroba uzarangwa n’ibikorwa bitandukanye bizabimburirwa n’imikino ibiri y’umupira w’amaguru ku wa Gatanu, izahuza amakipe ya Evangelical Restoration Church Masoro, Evangelical Restoration Church Gikondo, Upendo na Evangelical Restoration Church Kimisagara izakira iri rushanwa.

Iyi mikino yombi iteganyijwe kuva saa cyenda z’umugoroba (15h00)kugeza saa moya z’ijoro(19h00) kuri “Yego center” hazwi nka maison des jeunes Kimisagara.

Ku wa Gatandatu amakipe abiri azaba yatsinze imikino yo ku wa Gatanu azakina umukino wa nyuma(Finale) kuva saa yine z’igitondo(10h00) kuri Yego center.

Nimugoroba kuva saa cyenda(15h00) ibikorwa by’igiterane bizakomereza ku rusengero rwa Evangelical Restoration Church Kimisagara ari naho hazabera igitaramo kizarangwa n’indirimbo zihimbaza Imana ndetse n’inyigisho zizatangwa n’abakozi b’Imana batumiwe.

Iki gikorwa kizasozwa ku Cyumweru guhera saa cyenda z’amanywa(15h00) kugeza saa moya z’ijoro(19h00) kuri Evangelical Restoration Church Kimisagara nabwo hakazaba igitaramo cyo guhimbaza Imana mu ndirimbo n’ijambo ry’Imana.

Abaririmbyi bakunzwe mu gihugu barimo Liliane Kabaganza n’abandi bahanzi ndetse n’abavugabutumwa bakomeye barimo Pasiteri Senga Emmanuel, Pasiteri Ntizimira Israel na Pasiteri Kaberuka Celestin batumiwe muri iki giterane.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza