Urubyiruko rw’Abangilikani rwahuriye mu giterane kizigishamo umushumba w’iri torero ku Isi

Yanditswe na IGIHE
Kuya 17 Gashyantare 2017 saa 03:00
Yasuwe : XX
0

Ihuriro ry’Urubyiruko rwo mu Itorero ry’Abangilikani mu Rwanda rwiga muri Kaminuza(RASA), bahuriye mu giterane cy’iminsi itatu kizigishamo umushumba w’Itorero ry’Abangilikani ku Isi, Justin Welby.

Iki giterane cyateguwe ku bufatanye bwa RASA ‘itorero ryabo cyatangiye kuri uyu wa 17 kikazasozwa ku wa 19 Gashyantare 2017.Kirabera ku cyicaro cya EAR Diyoseze Gasabo kuri paruwase ya Kibagabaga, kikaba gihuza abantu baturutse hirya no hino mu gihugu.

Cyiswe ’Rwanda Anglican Youth Convention’, intego yacyo igaragara mu gitabo cya Nehemiya2,17-18 igira iti “Biyumvamo imbaraga barubaka”.

Afungura ku mugaragaro iki giterane, Umushumba mukuru wa Angliakani mu Rwanda Dr. Rwaje Oneshore, yasabye urubyiruko rw’Itorero Angilikani kuba umusemburo mu kugira umuaro aho biga muri Kaminuza.

Ibi byanashimangiwe na Rev. Pst. Antoine Rutayisire, wagarutse ku kamaro k’umunyeshuri ukijijwe, ko agomba kugira itandukaniro hagati ye n’abandi nk’uko Nehemia yitandukanije n’abashakaga ko urusengero rw’i Yerusalemu harusenyuka akiyemeza kuruhasana.

Inyigisho zizatangirwamo muri iki giterane zirimo izijyanye n’amateka y’ Itorero Anglikani mu Rwanda, ejo hazaza haryo, umusanzu w’abakiristo bize mu kubaka amahoro, Urubyiruko n’umurimo, Uruhare rw’urubyiruko mu kubaka itorero,igihugu n’umuryango n’izindi.

Abitabiriye iki giterane barimo abanyamuryango ba RASA bakiri kwiga n’abarangije, abanyeshuri bose b’Abangilikani biga muri Kaminuza z’i Kigali, abahagarariye urubyiruko mu madiyosezi yose uko ari 11 y’itorero Anglikani mu Rwanda, ishuti n’abayobozi b’Itorero Anglikani mu Rwanda ndetse n’abayobozi mu nzego za Leta.

Abigisha barimo Rev. Antoine Rutayisire, umushumba mukuru wa Angliakani mu Rwanda Dr. Rwaje Oneshore, umushumbwa wa Cantebury mu Bwongereza, Justin Welby utegerejwe mu Rwanda aho azaba aje gushyira ibuye ry’ifatizo ahazubakwa ibikorwa bitandukanye by’umurage w’ububyutse mu Rwanda n’ubukerarugendo bushingiye kumyemerere ya Gikiristo.

Hazaba hari amakorali atandukanye arimo Call on Jesus yo muri RASA-UR-CST, Moriah yo muri RASA-CBE na shalom Worship Team yo kuri paruwase ya Remera.

Bamwe mu bitabiriye iki giterane
Abitabiriye iki giterane bazahabwa inyigisho zitandukanye
Abayobozi mu Itorero Anglican mu Rwanda
Umushumba wa Cantebury mu Bwongereza akaba ari nawe Musenyeri Mukuru mu itorero ry’Abangilikani ku Isi, Justin Welby

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza