Kwamamaza

Chorale Ebenezer yituye umuhanzi Naboth inka

Yanditswe kuya 3-05-2012 saa 11:43' na Kwizera Emmanuel
     


Chorale Ebenezer yakoresheje igiterane cyo gushimira umuhanzi w’Umunyarwanda Naboth Kalembile Tulinabitu uririmba indirimbo zo guhimbaza Imana uba mu gihugu cya Kenya, Ebenezer ikaba yamugeneye inka biturutse kubyo yabagejejeho.
Iki gitaramo cyari kigamije gushimira Naboth wakunzwe n’abanyarwanda benshi mu myaka yashize bitewe n’ibihangano bye, ku Cyumweru tariki ya 29 Mata ku rusengero rwa CELPAR rwo ku Kimihurura Naboth yashyikirijwe impamyabushobozi (certificat) n’Umuvugizi mukuru wa (...)

Chorale Ebenezer yakoresheje igiterane cyo gushimira umuhanzi w’Umunyarwanda Naboth Kalembile Tulinabitu uririmba indirimbo zo guhimbaza Imana uba mu gihugu cya Kenya, Ebenezer ikaba yamugeneye inka biturutse kubyo yabagejejeho.

Iki gitaramo cyari kigamije gushimira Naboth wakunzwe n’abanyarwanda benshi mu myaka yashize bitewe n’ibihangano bye, ku Cyumweru tariki ya 29 Mata ku rusengero rwa CELPAR rwo ku Kimihurura Naboth yashyikirijwe impamyabushobozi (certificat) n’Umuvugizi mukuru wa CELPAR ariwe Rev. Pasteur Fred Nyamurangwa ari kumwe n’abandi bashumba biryo torero barimo nka Pastor Louis Dodo Twahirwa bitewe n’uko yababaye hafi cyane cyane mu bihe bakoragamo album ya mbere n’iya kabiri z’iyi chorale.

Mu byo yabafashije kugeraho, harimo kuba yarabigishije amajwi, yabafashije mu biterane bakoreraga hirya no hino, n’ibindi yabafashagamo bizamura iyi Korali.

Nyuma yo kumuha inka biturutse kubyo bigishwa n’umuco Nyarwanda, ndetse n’umuco bigishijwe n’itorero ryabo, Rev. Pasteur Fred Nyamurangwa yanamwemereye kumwishyurira Ticket izamusubiza mu gihugu cya Kenya.

“ Ndatunguwe cyane kuko numvaga ko naje ntumiwe mu gitaramo mu Rwanda nk’ibisanzwe kuko sindabona abantu banshimira ku mugaragaro nk’aba”. Ibi ni ibyatangajwe na Naboth ubwo yari amaze guhabwa Certificat n’inka yagenewe n’iyi Korari.

Yakomeje avuga ko kuba Ebenezer itibagirwa ari ikigaragaza ko izirikana abayibaye hafi bose.

Naboth wavutse mu mwaka w’1972, ahanini yamenyekanye ku ndirimbo nka ”Njywe Yesu Yankunze”, “Shimwa Yesu”, “Naragenze” n’izindi, arimo arategura n’ikindi giterane kizaba mu mpera z’uyu mwaka, aho azaba ari kumwe muri icyo giterane na Chorale Ebenezer.

Chorale Ebenezer imaze gukora album ya 4 zigizwe n’indirimbo 10 z’amajwi (audio) ariko abayigize barimo no gutegura kuyikorera amashusho.

Naboth Kalembile Tulinabitu
Naboth yahawe Certificat
Umuvugizi mukuru wa CELPAR ariwe Rev. Pasteur Fred Nyamurangwa
Abari baje mu giterane bari benshi

Foto:Kwizera E.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved