Igiterane “Ngeraho umpumurize” cyakusanyirije miliyoni n’igice abafite ubumuga

Yanditswe na Nsabimana Emile
Kuya 14 Mutarama 2013 saa 05:11
Yasuwe :
0 0

Korari Gatsata yo mu Itorero rya ADEPR Gatsata yo mu Murenge wa Gatsata mu Karere ka Gasabo, yashoje ku mugaragaro igiterane cyari kimaze iminsi 50 cyo gukusanya inkunga yo gufasha abana babana n’ubumuga baba mu kigo cya Gatagara.
Iki giterane cyatangiye tariki ya kabiri Ukuboza 2012 gisozwa ku cyumweru tariki ya 13 Mutarama 2013.
Pasiteri Sibomana Jean, umuyobozi akaba n’umuvugizi wa ADEPR mu Rwanda yavuze ko iki ari igikorwa cyiza cyatekerejwe na Korali Gatsata ifatanyije na ADEPR (...)

Korari Gatsata yo mu Itorero rya ADEPR Gatsata yo mu Murenge wa Gatsata mu Karere ka Gasabo, yashoje ku mugaragaro igiterane cyari kimaze iminsi 50 cyo gukusanya inkunga yo gufasha abana babana n’ubumuga baba mu kigo cya Gatagara.

Iki giterane cyatangiye tariki ya kabiri Ukuboza 2012 gisozwa ku cyumweru tariki ya 13 Mutarama 2013.

Pasiteri Sibomana Jean, umuyobozi akaba n’umuvugizi wa ADEPR mu Rwanda yavuze ko iki ari igikorwa cyiza cyatekerejwe na Korali Gatsata ifatanyije na ADEPR Gatsata, anasaba andi makorali n’amatorero ya ADEPR gutera ikirenge mu cyabo, ivugabutumwa rikajyana n’ibikorwa by’urukundo.

Intumwa ya Minisiteri y’Ubutegetsi bw’Igihugu MINALOC ari na we muyobozi w’ikigo gishamikiye kuri MINALOC gishinzwe abafite ubumuga Ndayisaba Emmanuel, yashimiye ADEPR gutekereza igikorwa nk’iki cy’urukundo kigakorwa kandi kigashyigikirwa.

Umuyobozi w’ishuri rya Gatagara frère Nkubiri Charles, yavuze ko n’ubwo inkunga z’amahanga zigenda zigabanuka Abanyarwanda bagomba kwigira nk’uko umukuru w’Igihugu ahora abivuga.

Inkunga yabonetse mu minsi 50 ingana na Miliyoni imwe n’igice, ariko ngo hari ayandi abantu bagiye bemera bataratanga.

Umuyobozi wa Korali Gatsata Minani Desiré yasabye abantu bose bafite umutima wo gufasha ko bakwihutira gutanga inkunga bemeye.

Tariki ya 20 Mutarama 2013 saa tatu za mu gitondo ni bwo igikorwa nyirizina kizasozwa bakajyana inkunga izaba imaze kwegeranywa, bakayishyikiriza komite y’ababyeyi ya HVP Gatagara i Nyanza.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza