Kwamamaza

Mu irushanwa ry’amakorari muri ADEPR, Korari Abahetsi yegukanye miliyoni

Yanditswe kuya 20-11-2012 saa 16:23' na Emmanuel Kwizera


Mu marushanwa yahuzaga korari 32 zitandukanye z’i Kigali, eshatu muri zo ku Cyumweru zarahembwe, Korari Abahetsi ya ADEPR Remera ku isonga yegukana miliyoni.
ADEP itangaza ko igikorwa cyatangijwe cyo kujya hahembwa korari, kizazamura ubukungu n’ubushobozi bw’amakorari mu kuririmba.
Amarushanwa yitabiriwe n’amakorari 32, yatangiriye mu kiganiro Tembeya na Yesu gikorerwa kuri Radio one n’Umuvugabutumwa akaba n’umunyamakuru Sugira Steven. Muri zo hatoranyijwemo Korari 10 za mbere binyuze ku (...)

Mu marushanwa yahuzaga korari 32 zitandukanye z’i Kigali, eshatu muri zo ku Cyumweru zarahembwe, Korari Abahetsi ya ADEPR Remera ku isonga yegukana miliyoni.

ADEP itangaza ko igikorwa cyatangijwe cyo kujya hahembwa korari, kizazamura ubukungu n’ubushobozi bw’amakorari mu kuririmba.

Amarushanwa yitabiriwe n’amakorari 32, yatangiriye mu kiganiro Tembeya na Yesu gikorerwa kuri Radio one n’Umuvugabutumwa akaba n’umunyamakuru Sugira Steven. Muri zo hatoranyijwemo Korari 10 za mbere binyuze ku murongo wa telephone, abaturage bahamagara bakagaragaza iyoshima. Nyuma haje guteranywa amajwi, 10 habonekamo Korali eshatu zahize izindi.

JPEG - 122.9 kb
Igiterane cyo guhemba Korari zahize abandi cyari kitabiriye

Muri iki cyiciro cya mbere cy’amarushanwa yitiriwe “Tembea na Yesu Choirs Promotion Award 1st Season”, Korari Abahetsi yo kuri Paruwasi ya ADEPR Remera ni yo yegukanye umwanya wa mbere ihembwa akayabo ka miliyoni y’amafaranga y’u Rwanda, iya kabiri iba Abakurikiye Yesu yo ku Mudugudu wa Rukurazo muri Paruwasi ya Bibare yahembwe ibihumbi 150, naho iya gatatu ariyo Elayono nayo yo kuri Paruwasi ya ADERP Remera ihembwa ibihumbi 100.

Sugira Steven aganira na IGIHE “Aya ni amarushanwa ngarukamwaka, Korari yabaye iya mbere ntizongera kugaruka mu marushanwa ataha, ahubwo izajya iza ije gutanga ikamba kuyegukanye umwanya wa mbere muri uwo mwaka wundi w’amarushanwa”.

Hatangwa ibi bihembo, hari hanatumiwemo korari Iriba y’i Huye na Hermoni y’I Rubavu.

Ibihembo byatanzwe n’Umuvugizi Wungirije wa ADEPR, Pasiteri Tom Rwagasana;atangaza ko abantu bakwiriye kumva ko ibi ari ukuzamura ubwami bw’Imana, kuko biri mu gushyigikira umurimo w’Imana hatezwa imbere amakorari, ati: “Si ukwinezeza”.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved