Musanze:Pasiteri yabenzwe n’abakobwa 71, bamuririye imitungo abura aho yabarega

Yanditswe na

Tombola Felicie

Kuya 4 Ugushyingo 2015 saa 12:09
Yasuwe :
0 0

Pasiteri Nsabimana Gregoire w’imyaka 53 ukomoka mu Kinigi mu Karere ka Musanze ngo yakuze ari imfubyi,ngo mu buzima bwose yanyuzemo yashenguwe no kurambagiza abakobwa 71 bose bakamubenga kandi bakamumaraho utwe twose.

Mu buhamya yatanze kuri Radio Ijwi ry’Ibyiringo yagize ati Ati“Nubwo nari ntaraba pasiteri ntunzwe no kwinywera inzoga numvaga nshaka gushaka umugore, tugafatanya ubwo buzima nkabuvamo, nifuza umukobwa ufite ababyeyi ngo nanjye nzagire databukwe na mabukwe kuko njyewe nta babyeyi nagiraga ariko bose barambengaga”

Yakomeje avuga ati “Bamwe bandiye imirima, abandi amafaranga nkoreye bakayanyaka, umukobwa wagize inzara yaranshakaga ariko namara kumugurira akambega.”

Yibutse igihombo byamuteye, Pasiteri Nsabimana yagize ikiniga avuga ati “Ibikomere biba byinshi ariko icyo cyo cyarandemereye, cyane, kandi abo 71 mvuga ni abo nzi nahaye ibyanjye hari n’abandi ntibuka.Iyo tuba twarandikiranye n’abarega kuko banteye igikomere cyarushije ubupfubyi n’ubukene niberagamo”

Gusinda,gutungwa n’imbetezi, kurara ku kadeyi ...

Ubuhamya bw’uyu mukozi w’Imana bushingiye ku mibereho mibi, bunahera mu bwana bwe.

Afite imyaka 6 yisanze abana na Nyirakuru kuko se yari yarapfuye we agifite imyaka ibiri, nyina ngo yahise yigira gushaka undi mugabo kure yaho ngaho.

Yize amashuri abanza arerwa n’abamubyaye muri batisimu yaje gutsindwa ibizimani by’amashuri abanza maze ubuzima butangira kumuyobera.

Pasieri Nsabimana ngo amaze kubona ibyo kwiga byanze, yatangiye gushakisha uko yakorera amafaranga ngo ariko ntibyamuhiriye kuko aho guhembwa amafaranga bamuhembaga amacupa y’inzoga ,maze atangira kuba umusinzi atyo.

Ati” Abo nakoreraga bampembaga inzoga , iyo nakeneraga ibiryonagurishaga ku nzoga nabaga nahembwe nkagura ibiryo.”

Nyuma yo kuva mu muryago wamureraga agiye gushakisha amafaaranga ngo yararaga ku kadeyi arinaho yaje gukura iryo zina

Ati”numvaga ntamugayo kuko nta kindi kintu natekereza cy’iterambere, kwari ukunywa inzoga ngashaka n’amafaranga ubuzima bukaba ubwo ngubwo.”

Nsabimana ati” Banyitaga Kadeyi kuko niko nabagamo, kamwe nkakiyorosa akandi nkakisasira , nari narabaye umurakare , nkumva nta byishimo ngira ariko ntabwo narinzi kuriganya.”

Avuga ko nyuma yaje kujya mu rusengero gushaka umugore ndetse uwo mugore ni we wamujyanye mu nzu y’Imana kugera abatijwe, nyuma agirwa pasiteri mu Idini ya ADEPR nyuma aza kurivamo ubu ni umukirisitu mu idini ryAbadivantisiti b’umunsi wa karindwi.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza