Ubutagatifu bwa Tereza w’i Calcutta burakemangwa

Ubutagatifu bwa Tereza w’i Calcutta burakemangwa


Yanditswe kuya 1er-03-2013 - Saa 07:20' na Marie Monique Dushime

Nyuma yo gukora ubushakashatsi ku buzima bwa Tereza w’i Kalikuta, Serge Larivée yatangaje bimwe mu byari gutuma ataba umutagatifu.

Nk’ uko tubikesha urubuga Fluctuat.net, uyu mushakashatsi wo muri Kaminuza ya Montreal mu gitabo yise “Les Côtés Ténébreux de Mere Teresa”, bishatse kuvuga impande zaranzwe n’umwijima za Mama Tereza, kizatangazwa mu kwezi kwa Werurwe, ntigitaka na gato Mama Tereza nk’ uko ubusanzwe azwi muri Kiliziya Gatolika.

Ibi bikaba ari imyanzuro ya Larivée na bagenzi be bashingiye ku bikorwa 500 byaranze ubuzima bwa Gikirisitu bwa Tereza witabye Imana mu 1997 i Calcutta ho mu Buhinde.

Muri make bagaragaza ko Mama Tereza yakiraga amafaranga y’abaterabwoba, ntiyashakaga kumva ubutane bw’abashakanye, gukuramo inda kandi ko yasigaga abarwayi mu bigo bibashinzwe bijyanye no kubagirira isuku ikemangwa.

Nk’uko Larivée yabitangarije itangazamakuru, agira ati “Muri byo bitaro abarwayi basigaraga bonyine, isuku yabo ntiyitabweho ndetse ntibahabwe imiti yo kubagabanyiriza ububabare. Nyamara kuri Tereza we kubabara ngo byari ukubegereza Imana.”

Mama Tereza kandi ngo ntiyemeraga ko abagore bo muri Bosiniya batewe inda n’abanyaseribiya bafashwe ku ngufu ko bazikuramo.

Aba bashakashatsi bakaba bashimangira ko kuba Mama Tereza yaragizwe Umutagatifu ari igitangaza, ko Atari abikwiye kubera ibyo yari yarakoreye imbabare. Bakaba bagaragaza ko abarwayi biyambaza Mama Tereza ngo bakire atari we ubavura ahubwo ari abaganga.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO