|
Premiership : Chelsea yahanaguye amahirwe ya Arsenal ku gikombe
posted on Feb , 08 2010 at 11H 27min 46 sec viewed 2438 times
|
|
|
Ku munsi w'ejo ntakindi cyari gitegerejwe uretse umukino wagombaga guhuza ikipe ya Arsenal yari yasuye Chelsea , mukeba wayo i London.
Umukino ukaba warabereye Stamford Bridge ku kibuga cya Chelsea aho ikipe ya Chelsea yabashije kwereka Arsenal ko iyirusha mu mpande zose aho umukino ugitangira ikipe ya Chelsea iyobowe na John Terry yafunguye amazamu ku munota wa 8 gusa ubwo Drogba usanzwe umerera nabi iyi kipe atazuyaje ku mupira Terry yari amaze guteza umutwe , Arsenal yabaye nk'ikubiswe n'inkuba maze irasatira karahava.
Didier Drogba ku gitego cya mbere
Drogba amaze guhanagura indoto za Arsenal
Ibyo ntibyaje kuyihira kuko ku munota wa 23 gusa Drogba kuri contre attack nziza yatsinze igitego cya 2 cya Chelsea maze abasore ba Wenger basa nk'abacika intege.
Mu gice cya kabiri Ntacyagaragaye cyane , ikipe ya Chelsea yarushije bigaragara ikipe ya Arsenal aho byanagaragariye buri wese wakurikiranye uno mukino ko Arsenal ifite ikibazo muri ba rutahizamu. Ibi bikaba bimaze iminsi bivugwa nyuma yo gutsindwa na Manchester United mu cyumweru gishize , bikaba byanagaragaraye muri uyu mukino nanone.
Chelsea yahise iza ku mwanya wa mbere nk'ibisanzwe nyuma y'aho Manchester United itsindiye Portsmouth 5 ku busa.
Uko byari byifashe :
07/02
- Chelsea 2 - 0 Arsenal
- Birmingham City 2 - 1 Wolverhampton
06/02
- Tottenham 0 - 0 Aston Villa
- Bolton 0 - 0 Fulham
- Burnley 2 - 1 West Ham
- Hull City 2 - 1 Manchester City
- Manchester United 5 - 0 Portsmouth
- Stoke City 3 - 0 Blackburn
- Sunderland 1 - 1 Wigan
- Liverpool 1 - 0 Everton
Joe
|
|
|
|
