U Rwanda rwirukanye umukozi wa Ambasade y’u Bubiligi

Yanditswe na Nsabimana Emile
Kuya 29 Mutarama 2013 saa 07:54
Yasuwe :
0 0

Abayobozi b’u Rwanda bahaye amasaha 48 umusirikare w’Umubiligi wakoraga muri Ambasade y’iki gihugu mu Rwanda, kugira ngo abe yavuye ku butaka bw’u Rwanda kubera « Ibikorwa bitajyanye n’inshingano ze ».
Uyu mukozi wari umaze imyaka ibiri n’igice akorera mu Rwanda, ni umusirikare ufite uburambe buhagije mu gisirikare. Mu mirimo yakoze hari ijyanye no kurinda abakozi b’Ababiligi.
Urwego rushinzwe ubwirinzi muri iyi Ambasade rugizwe n’abantu batatu, ubu rukaba ruyobowe na Col William Breuer watangiye (...)

Abayobozi b’u Rwanda bahaye amasaha 48 umusirikare w’Umubiligi wakoraga muri Ambasade y’iki gihugu mu Rwanda, kugira ngo abe yavuye ku butaka bw’u Rwanda kubera « Ibikorwa bitajyanye n’inshingano ze ».

Uyu mukozi wari umaze imyaka ibiri n’igice akorera mu Rwanda, ni umusirikare ufite uburambe buhagije mu gisirikare. Mu mirimo yakoze hari ijyanye no kurinda abakozi b’Ababiligi.

Urwego rushinzwe ubwirinzi muri iyi Ambasade rugizwe n’abantu batatu, ubu rukaba ruyobowe na Col William Breuer watangiye akazi mu gice cya kabiri cy’umwaka wa 2012.

Ikinyamakuru Le vif dukesha iyi nkuru kiravuga ko Ababiligi batabwiwe impamvu nyakuri z’iyirukanwa ry’umukozi wabo, ariko kikavuga ko byaba bifitanye isano n’ibikorwa by’uruhererekane byagiye biranga imibanire y’ibihugu byombi; icyakora hari umusirikare mukuru w’Umubiligi uvuga ko ari « igikorwa cyo kubangamira » u Bubiligi.

Mu Gushyingo 2012 u Bubiligi bwatangaje ko busubitse imikoranire mu bya gisirikare n’u Rwanda bushingiye ku byavugwaga n’impuguke za Loni ko u Rwanda rufasha abateza umutekano muke mu Burasirazuba bwa Congo.

Turacyagerageza kuvugana n’urwego rw’ububanyi n’amahanga mu Rwanda ngo bagire icyo badutangariza kuri aya makuru.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza