Kwamamaza

Padiri Nahimana na bagenzi be bemeye gusubira mu bihugu baturutsemo

Yanditswe kuya 26-11-2016 saa 09:20' na Jean Pierre Tuyisenge


Padiri Nahimana Thomas wari utegerejwe mu Rwanda ku gicamunsi cyo ku wa 23 Ugushyingo, akangirwa kuhagera ageze i Nairobi kubera ibibazo birimo ibyangombwa by’inzira,ubu yemeye ko we na bagenzi be basubira mu bihugu bari barimo.

Ni nyuma yuko yari ahamaze iminsi yaranze kuva ku izima avuga ko azahava ari uko yemerewe gutaha mu Rwanda, nyamara inzego zishinzwe abinjira n’ abasohoka zari zamugaragarije ko adafite ibyangombwa byo gukandagira ku butaka bw’u Rwanda.

Padiri Nahimana yabwiye BBC yanditse iyi nkuru ko mu mishyikirano bagiranye na leta ya Kenya, abategetsi b’icyo gihugu bababwiye ko gukomeza kuba kuri icyo kibuga biri mu nzira zitanoze.

Byari biteganyijwe ko Padiri Thomas Nahimana wari waravuze ko azaza mu Rwanda gutangiza gahunda ye yo kuziyamamariza umwanya w’Umukuru w’Igihugu, agera i Kigali ku wa gatatu w’iki cyumweru.

Itsinda ry’abantu bari bazanye na Padiri Nahimana mu Rwanda ryari rigizwe na Venant Nkurunziza w’imyaka 33, Claire Nadine Kasinge w’imyaka 36 n’umwana we Kejo Skyler w’amezi arindwi.

Iyi nkuru ikomeza ivuga ko Claire Nadine Kasinge w’imyaka 36, ubu we yamaze gusubira muri Canada, naho Padiri Nahimana Thomas we aritegura gusubira mu Bufaransa, mu gihe Venant Nkurunziza bitaramenyekana niba ari busubire muri Malawi aho yabaga.

Padiri Nahimana , Claire Nadine Kasinge na Venant Nkurunziza

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved