Kwamamaza

FARG iratunga agatoki ba Rwiyemezamirimo bubatse nabi amacumbi y’abarokotse Jenoside

Yanditswe kuya 12-04-2013 saa 09:36' na Olivier Rubibi
     


Ikigega cya Leta kigenewe gutera inkunga Abacitse ku icumu rya Jenoside batishoboye (FARG) kiravuga ko kigiye gukurikirana mu nkiko ba Rwiyemezamirimo, kubera kubaka nabi amacumbiy’abacitse ku icumu batishoboye.
FARG ivuga ko amazu menshi mu yubakiwe abacitse ku icumu rya Jenoside batishoboye yamaze gusenyuka.
Eng. Theophile Ruberangeyo umuyobozi mukuru wa FARG, yatangarije IGIHE ko ubu bamaze kugeza imanza 21 mu rukiko rukuru, FARG ikaba inasaba Minisiteri y’Ubutabera kwihutisha izo manza (...)

Ikigega cya Leta kigenewe gutera inkunga Abacitse ku icumu rya Jenoside batishoboye (FARG) kiravuga ko kigiye gukurikirana mu nkiko ba Rwiyemezamirimo, kubera kubaka nabi amacumbiy’abacitse ku icumu batishoboye.

FARG ivuga ko amazu menshi mu yubakiwe abacitse ku icumu rya Jenoside batishoboye yamaze gusenyuka.

Eng. Theophile Ruberangeyo umuyobozi mukuru wa FARG, yatangarije IGIHE ko ubu bamaze kugeza imanza 21 mu rukiko rukuru, FARG ikaba inasaba Minisiteri y’Ubutabera kwihutisha izo manza ngo abahemutse bahanwe.

FARG ivuga ko kuva mu mwaka wa 2000 hamaze kubakirwa abacitse ku icumu batishoboye amazu 39,200. Ayubatswe na FARG ni 15,000.

FARG ivuga ko amazu 12,168 muri ayo yose yubatswe nabi, andi agera ku 3,006 atuwemo n’abakecuru n’abasaza yubatse ku buryo atakabaye atuwemo n’abantu, mu gihe agera ku 2000 yo yamaze gusenyuka burundu.

Eng. Ruberangeyo avuga ko ba rwiyemezamirimo aribo ntandaro y’iki kibazo kuko bubatse amazu uko bishakiye. Ariko avuga ko FARG iri gukorana n’inzego zitandukanye harimo n’iziperereza ngo abo ba rwiyemezamirimo bakurikiranwe.

Abantu biyandikisha ku miryango yazimye/yazimiye kugira ngo bafashwe na FARG nabo bagomba gukurikiranwa.

Mu kwezi k’Ukuboza 2012 FARG yavuguruye ingengo y’imari yayo. Ubu yohereza mu turere miliyari imwe n’igice y’amafaranga y’u Rwanda agamije gutabara abafite amazu ameze nabi cyane ngo babone aho kuba.

Ikigega Kigenewe Gutera Inkunga Abacitse ku Icumu FARG, gishyirwaho n’itegeko nimero 02/98 ryo kuwa 22/01/1998, gifite inshingano yo gufasha abarokotse Jenoside yakorewe Abatutsi batishoboye.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved