IGIHE.com > Politiki > Amakuru
“Ikibi ntikizigera kiganza icyiza mu kubaka u Rwanda”

“Ikibi ntikizigera kiganza icyiza mu kubaka u Rwanda”


Yanditswe kuya 14-04-2013 - Saa 08:58' na Deus Ntakirutimana

Umunyamabanga Nshingwabikorwa w’Ihuriro Nyungurabitekerezo ry’imitwe ya Politiki yemewe mu Rwanda, Kayigema Anicet, yasabye amashyaka ari hanze y’u Rwanda kugira ibitekerezo bizima byo kubaka u Rwanda, kuko ikibi kitazigera kiganza icyiza.

Mu muhango wo gusoza icyumweru cy’icyunamo wabereye ku rwibutso rwa Rebero rushyinguyemo Abanyapolitiki bazize Jenoside yakorewe Abatutsi muri Mata 1994, wabaye ku wa gatandatu tariki ya 13 Mata 2013, Kayigema Anicet, Umunyamabanga Nshingwabikorwa w’Ihuriro Nyunguranabitekerezo ry’Imitwe ya Politiki yemewe mu Rwanda, yatangarije IGIHE ko kwibukira muri uru rwibutso rushyinguyemo abanyapolitiki bazize Jenoside, bigamije kwerekana ko hari abayobozi bagize ubutwari bwo kwamagana ikibi bakabizira. Umuco buri munyarwanda wese asabwe gukurikiza.

Kayigema yasabye buri wese kumva ko politiki nziza ibaho iyo igamije kubaka igihugu, ikanashyigikira ubusugire bwacyo. Aha yasabye abari mu mitwe ya politiki gukora ibikorwa biteza imbere igihugu bigamije inyungu z’Abanyarwanda bose.

Ku mashyaka avuga ko akorera hanze y’u Rwanda, yayasabye gushyira imbere ibitekerezo bizima byubaka igihugu. Kayigema yavuze ko aya mashyaka afite ubuswa bwo kugira ngo ikibi kizaganza icyiza. Yagize ati “Baribeshya kuko basigwa n’ibitekerezo bizima byagombye kubaganisha mu nzira y’icyiza, buri wese yari akwiye kurasanira.”

Umuhango wo kwibuka Abanyapolitiki bishwe muri Jenoside witabiriwe n’abayobozi bakuru b’igihugu bari bayobowe na Perezida wa Sena, Dr Ntawukuriryayo Jean Damascene. Benshi mu banyapolitiki bibutswe barimo abishwe mu ijoro ryo ku itariki ya gatandatu rishyira iya karindwi Mata 1994.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO