Ingabo za M23 zahawe amasaha 48 kuba zavuye mu mujyi wa Goma

Yanditswe na Rene Anthere Rwanyange
Kuya 25 Ugushyingo 2012 saa 09:45
Yasuwe :
0 0

Mu nama yarangiye ku munsi w’ejo yiga ku kibazo cy’intambara irimo kubera mu Burasirazuba bwa Congo, abakuru b’ibihugu bigize akarere k’Ibiyaga Bigari, bemeranyije ko mu masaha atarenze 48 gusa ingabo za M23 zigomba kuba zavuye mu mujyi wa Goma.
Mu itangazo aba bayobozi bashyize ahagaragara basoza iyi nama, bavuze ko ingabo za M23 zava mu mujyi wa Goma zikajya mu birometero 20 kandi ngo ibi bigakorwa bitarenze iminsi ibiri gusa.
nk’uko tubikesha Ikinyamakuru The New Times, Minisitiri (...)

Mu nama yarangiye ku munsi w’ejo yiga ku kibazo cy’intambara irimo kubera mu Burasirazuba bwa Congo, abakuru b’ibihugu bigize akarere k’Ibiyaga Bigari, bemeranyije ko mu masaha atarenze 48 gusa ingabo za M23 zigomba kuba zavuye mu mujyi wa Goma.

Mu itangazo aba bayobozi bashyize ahagaragara basoza iyi nama, bavuze ko ingabo za M23 zava mu mujyi wa Goma zikajya mu birometero 20 kandi ngo ibi bigakorwa bitarenze iminsi ibiri gusa.

nk’uko tubikesha Ikinyamakuru The New Times, Minisitiri w’ububanyi n’amahanga wa Uganda Sam Kuteesa avuga ko n’ubwo ingabo za M23 zasabwe kujya mu birometero 20 uvuye mu mujyi wa Goma, ngo byemejwe ko na zo zitagomba guterwa aho zizaba ziri kandi na Leta ya Congo ikaba isabwa kubahiriza ibyo M23 iyisaba.

Minisitiri w’ububanyi n’amahanga w’u Rwanda Louise Mushikiwabo, we yatangaje ko umuryango mpuzamahanga ugomba gushyigikira iyi gahunda y’amahoro ibi bihugu byiyemeje, kuko ngo ari bwo amahoro arambye azaboneka mu burasirazuba bwa Congo.

Mushikiwabo kandi yagize ati “Twizeye ko ingamba umuryango wa ICGLR wafashe zigiye kubahirizwa byaba ku ruhande rw’ingabo za M23 ndetse na Leta ya Congo.”

Aba bayobozi bemeranyije ko ku kibuga cy’indege cya Goma, hagiye koherezwa itsinda ry’ingabo zirimo izidafite aho zibogamiye, iziturutse mu ngabo za Congo ari zo FARDC ndetse n’iziturutse mu ngabo za M23.

Iyi nama kandi yasabye ingabo z’umuryango mpuzamahanga ziri muri Congo MONUSCO, gukomeza gucunga umutekano mu mujyi wa Goma ndetse no kureba ko umutekano w’ingabo za M23 udahungabana.

Iyi nama yitabiriwe n’abayobozi b’ibihugu batandukanye barimo umuyobozi mukuru wa ICGLR akaba na Perezida wa Uganda Yoweri Kaguta Museveni, Joseph Kabila wa Congo Kinshasa, Jakaya Kikwete wa Tanzaniya, Mwai Kibaki wa Kenya na ho u Rwanda rukaba rwari ruhagarariwe na Minisitiri w’ububanyi n’amahanga Louise Mushikiwabo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza