IGIHE.com > Politiki > Amakuru
Kayitayire Alphonse yasezerewe muri Ambasade y’u Rwanda mu Busuwisi

Kayitayire Alphonse yasezerewe muri Ambasade y’u Rwanda mu Busuwisi


Yanditswe kuya 15-01-2013 - Saa 13:49' na Emile Nsabimana

Ambasade y’u Rwanda mu Busuwisi, iratangaza ko Kayitayire Alphonse wari uyibereye umujyanama wa mbere atagifatwa nk’umudipolomate (diplomate) wayo.

Mu itangazo rigenewe Abanyarwanda baba mu Busuwisi ryashyizwe ahagaragara na Ambasade y’u Rwanda muri iki gihugu ku ya 14 Mutarama 2013, bigaragara ko Kayitayire yahamagawe ku kazi ariko ntiyitabe, nyuma agahitamo kohereza imfuguzo z’aho yakoreraga n’aho yari atuye.

Ku wa kane tariki ya 10 Mutarama 2013 ni bwo kuri Ambasade babonye ibahasha ivuye kuri Kayitayire, irimo imfunguzo z’aho yakoreraga n’aho yari atuye.

Ubu butumwa bwoherejwe ku itariki ya cyenda Mutarama buri mu byatumye Ambasade ifata icyemezo cyo kutamufata nk’umukozi wayo, kuko ngo kugeza ubu nta makuru ye Ambasade izi.

Umwe mu bakozi ba Ambasade y’u Rwanda mu Busuwisi yabwiye IGIHE kuri telefoni ko ku ya gatandatu Ukuboza 2012 Kayitayire atari yitabiriye akazi nta mpamvu, bakamuhamagara bagira ngo aze ku kazi.

Kayitayire ngo ntiyitabye telefoni, kugeza ubwo yohereje imfunguzo zo ku kazi n’iz’aho yari atuye ku ya 10 Mutarama 2013.

Uyu mukozi wa Ambasade yatubwiye ko hari abakozi ba Ambasade bagiye kureba aho yari atuye nka mugenzi wabo, basanga hari bimwe mu bikoresho bijyanye na Ambasade ariko we adahari kimwe n’ibikoresho bye bwite.

Yakomeje avuga ko kugeza ubu nta makuru azwi y’aho yaba aherereye, gusa ngo Kayitayire yari “umuntu mwiza mu kazi.”

Yongeyeho ko kugeza ubu hataramenyekana icyaba cyarabaye cyatumye agira imyitwarire nk’iyo.

Kayitayire yagombaga kuza mu Rwanda bitarenze ku itariki ya gatandatu Mutarama 2013, ariko bitewe n’impamvu z’akazi byimurirwa ku ya 31 Mutarama 2013 nk’uko bigaragara mu itangazo rya Ambasade y’u Rwanda mu Busuwisi.

Itangazo rigaragaza ko Kayitayire atakiri umukozi wa Ambasade y’u Rwanda mu Busuwisi

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO