Kohereza indege zitagira abapilote muri Congo byateza ibibazo aho kubikemura-Mushikiwabo

Yanditswe na Nsabimana Emile
Kuya 14 Mutarama 2013 saa 12:33
Yasuwe :
0 0

Minisitiri w’Ububanyi n’Amahanga n’Ubucuruzi wa Korea y’Amajyepfo Kim Sung Hwan, ari kumwe na mugenzi we w’u Rwanda w’Ububanyi n’Amahanga Louise Mushikiwabo kuri uyu wa 14 Mutarama 2013 baganiriye ku bufatanye bw’ibihugu byombi; no ku gushakira Afurika n’akarere amahoro n’umutekano.
Muri iki kiganiro Minisitiri Mushikiwabo yavuze ko u Rwanda rutifuza ko indege zitagira abapilote (drones) Loni yashakaga kohereza muri Repubulika Iharanira Demokarasi ya Congo zakoherezwa, avuga ko u Rwanda (...)

Minisitiri w’Ububanyi n’Amahanga n’Ubucuruzi wa Korea y’Amajyepfo Kim Sung Hwan, ari kumwe na mugenzi we w’u Rwanda w’Ububanyi n’Amahanga Louise Mushikiwabo kuri uyu wa 14 Mutarama 2013 baganiriye ku bufatanye bw’ibihugu byombi; no ku gushakira Afurika n’akarere amahoro n’umutekano.

Bemeranyijwe ko ibihugu byombi bigirana ubufatanye mu gushaka amahoro

Muri iki kiganiro Minisitiri Mushikiwabo yavuze ko u Rwanda rutifuza ko indege zitagira abapilote (drones) Loni yashakaga kohereza muri Repubulika Iharanira Demokarasi ya Congo zakoherezwa, avuga ko u Rwanda rwabyanze nk’igihugu gihagarariye Afurika mu kanama k’umutekano ka Loni.

Yongeyeho ko izo ndege zikoreshejwe byasenya kuruta uko byakubaka. Yavuze ko u Rwanda rwifuza amahoro mu karere by’umwihariko muri Congo, kuko mu gihe nta mahoro ahari bibangamira u Rwanda nk’igihugu cy’abaturanyi.

Yagaragaje ko ikibazo cya Congo kimaze igihe, ati “Mu myaka yashize ikibazo cya Congo bagibafashe nk’ikibazo cyoroshye; mu myaka 18 ishize abakoze Jenoside mu Rwanda bahungiye muri Congo batezayo umutekano muke banawuteza mu Rwanda, mu gihe Congo nta cyo ibikoraho.”

Minisitiri w’Ububanyi n’Amahanga w’u Rwanda kandi yavuze ko muri Congo hari ingabo za Loni zimaze imyaka myinshi muri iki gihugu zicunga umutekano zihembwa amafaranga asaga miliyari enye ku mwaka, nyamara ko nta musaruro batanze ibibazo bya Congo bagashaka kubyitirira u Rwanda.

Yasobanuye ko kuba u Rwanda ruri mu kanama k’umutekano ka Loni rugomba guharanira amahoro ku mugabane wa Afurika rukavugira uyu mugabane, bakazafatanya na Korea kumvikanisha ikibazo cy’umutekano wo mu karere no guharanira amahoro n’umutekano by’akarere n’ibya Afurika.

Minisitiri Kim Sung Hwan wa Korea yatangaje ko bazakomeza gufatanya n’u Rwanda, Igihugu cya Korea y’Epfo kikazakomeza kuba ku ruhande rw’u Rwanda.

Ba Minisitiri bombi bahanye impano nk'ikimenyetso cy'ubufatanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza