IGIHE.com > Politiki > Amakuru
Perezida Kagame yasabye buri wese kunoza imirimo ashinzwe

Perezida Kagame yasabye buri wese kunoza imirimo ashinzwe


Yanditswe kuya 5-05-2012 - Saa 17:49'

Ibi Perezida Paul Kagame yabivuze kuri uyu wa Gatandatu, tariki ya 5 Gicurasi mu Nama ya Biro Politiki y’Umuryango FPR-Inkotanyi. Aho yasabye buri wese kunoza imirimo ashinzwe.

Perezida wa Repubulika akaba na Chairman w’Umuryango FPR-Inkotanyi, yibukije abanyamuryango ko inama nk’iyi ari umwanya wo kwisuzuma, yagize ati: “Ni umwanya wo gusuzuma aho tuvuye, aho tugeze, aho tujya no gufata ingamba zo kugera ku bindi tutarageraho”.

Yakanguriye Abanyamuryango kurushaho guharanira buri gihe inyungu rusange ku buryo umubare w’abaziharanira wiyongera.
Yagize ati: “Twese tugomba guharanira ubutabera turwanya ruswa n’akarengane.”

Yongeye gusaba buri wese kunoza imirimo ashinzwe kuko iyo bitagenze bityo bigira ingaruka ku ntego tuba twihaye. Yashimiye abanyamuryango uruhare badahwema kugira mu guteza imbere igihugu.

Abagize Biro Politiki bishimiye ibimaze gukorwa mu ivugururwa ry’Ubutabera, biyemeza gukomeza gushyigikira guteza imbere ubutabera barwanya ruswa n’akarengane.

Abagize Biro Politiki bakanguriye abafite inshingano zo kurangiza imanza kurushaho kujya babyihutisha kandi bubahirije amategeko.

Bishimiye kandi ibimaze gukorwa mu myiteguro yo gusoza imirimo y’Inkiko Gacaca, basaba ko inzego zibishinzwe zafata ingamba zo kurinda no kubika amadosiye yose yerekeranye n’Inkiko Gacaca ndetse no gukurikirana nta kujenjeka abakoresha inyandiko mpimbano bahindura ibyemezo by’izo nkiko.

Bemeje ko Amategeko-Remezo y’Umuryango FPR-Inkotanyi avugururwa kugira ngo haboneke uburyo urubyiruko rwahagararirwa mu nzego zose z’Umuryango FPR-Inkotanyi.

Abagize Biro Politiki bishimiye kandi igikorwa gitegurwa cyo kwizihiza Isabukuru y’imyaka 25 Umuryango FPR-Inkotanyi umaze ushinzwe, biyemeza ko bagiye kuyitegura neza aho batuye n’aho bakorera.

Perezida Kagame ubwo yari mu Nama ya biro Politiki ya FPR - Inkotanyi
Minisitiri w'Ubutabera, Karugarama Tharcisse
Rucagu Boniface

Foto: Urugwiro Village

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO