Perezida Obama yunamiye abazize Jenoside yakorewe Abatutsi

Yanditswe na Rene Anthere Rwanyange
Kuya 8 Mata 2013 saa 10:23
Yasuwe :
0 0

Kuri iki cyumweru Peresida Obama yifatanyije n’abanyarwanda bazize jenocide yakorewe abatutsi, avuga ko amahano yabaye mu Rwanda adakwiye kongera kubaho ukundi.
“Leta Zunze ubunmwe za Amerika ’ishavuranye n’Abanyarwanda’ bacitse ku icumu rya Jenoside yakorewe Abatutsi.” Ubu ni bumwe mu butumwa bwa Perezida Barack Obama mu kwibuka ku nshuro ya 19 Jenoside yakorewe Abatutsi.
Obama yakomeje agira ati “imyaka cumi n’icyenda ishize, u Rwanda rwashwanyagujwe n’amahano akomeye, uyu munsi twifatanije (...)

Kuri iki cyumweru Peresida Obama yifatanyije n’abanyarwanda bazize jenocide yakorewe abatutsi, avuga ko amahano yabaye mu Rwanda adakwiye kongera kubaho ukundi.

“Leta Zunze ubunmwe za Amerika ’ishavuranye n’Abanyarwanda’ bacitse ku icumu rya Jenoside yakorewe Abatutsi.” Ubu ni bumwe mu butumwa bwa Perezida Barack Obama mu kwibuka ku nshuro ya 19 Jenoside yakorewe Abatutsi.

Obama yakomeje agira ati “imyaka cumi n’icyenda ishize, u Rwanda rwashwanyagujwe n’amahano akomeye, uyu munsi twifatanije n’abanyarwanda kwibuka Jenoside yakorewe Abatutsi, twunamiye abazize akarengane kandi tuzakomeza gufasha abacitse ku icumu rya Jenoside yakorewe Abatutsi.”

Ikinyamakuru Washingtontimes cyanditse ko Perezida Obama yavuze ko Abanyamerika bigishwa n’umuhate w’Abanyarwanda mu kubaka amahoro n’ejo hazaza heza.

Obama ati “turi kumwe namwe mu gutegura imbere ndetse no kongera ubushake bwacu mu burenganzira bwa muntu n’iyubahirizwa ry’amategeko, kurengera abatishoboye no guhagarika ibikorwa by’ubwicanyi kugira ngo ayo mahano atazongera kubaho ukundi.”

Usibye Perezida wa Amerika Obama wunamiye abazize Jenoside yakorewe Abatutsi, Umunyamabanga Mukuru wa Loni, Ban Ki-moon na we yasabye Isi yose kwibuka abo iyo jenoside yahitanye.

Mu butumwa yatanze, Ki-moon yagize ati “Kuri iyi nshuro ya 19 u Rwanda rwibuka Abatutsi bazize Jenoside muri Mata 1994, turabibuka urupfu bapfuye kandi dukomeje guha icyubahiro abarokotse Jenoside bakomeje gushaka uko babaho, turabazirikana mu bibazo barimo.”

Ban Ki Moon yagaragaje ko mu kwibuka ku nshuro ya 19 Jenoside yakorewe Abatutsi, ko ari inshingano ya buri wese kurwanya Jenoside.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza