IGIHE.com > Politiki > Amakuru
U Rwanda na Montenegro byatangije umubano

U Rwanda na Montenegro byatangije umubano


Yanditswe kuya 14-04-2013 - Saa 09:26' na IGIHE

U Rwanda na Montenegro, yabonye ubwigenge mu 2006, byasinyanye amasezerano y’umubano hagati y’ibihugu byombi kuwa 12 Mata 2013 i New York.

Mu isinywa ry’itangazo rihamya umubano w’ibihugu byombi, u Rwanda rwari ruhagarariwe n’Ambasaderi Eugène-Richard Gasana, Umunyamabanga wa Leta ushinzwe imibanire n’ibindi bihugu, akaba n’intumwa y’u Rwanda muri Loni, naho Montenegro yari ihagarariwe na Milorad Šćepanović nawe akaba ari intumwa ya Montenegro muri Loni.

Itangazo ry’isinywa ry’amasezerano rivuga ko umubano w’u Rwanda na Montenegro, uzagira uruhare mu iterambere no kunoza ubucuti n’imikoranire ifitiye inyungu ibihugu byombi, no guharanira amahoro ku isi.

Montenegro yabonye ubwigenge tariki ya 21 Gicurasi 2006, mbere yarikandamijwe n’igihugu cya Seribia.

Montenegro yamenyekanye cyane nk’ahantu heza habereye ubukerarugendo, ariko nyuma y’intambara icyo gihugu cyagiye gicamo ubukerarugendo bwaje gusubira inyuma bitewe na ba mukerarugendo bagabanutse.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO