IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Akilah Institute yatangije gahunda nshya y’amasomo ya nimugoroba no muri weekend

Ishuri rya Akilah Institute ryatangije gahunda yo kwigisha abantu basanzwe bakora batabona umwanya ku manywa, bakazajya biga mu masaha ya nimugoroba no mu mpera z’icyumweru.

Akilah Institute For Women yafunguye imiryango mu 2010, abanyeshuri basaga 200 bakaba bamaze kurirangirizamo amasomo ya Hospitality Management, Information Systems na Business Management & Entrepreneurship.

Iyi gahunda yagenewe abagore n’ abakobwa bakora ku manywa, iteganyijwe gutangira muri Nyakanga 2017, ariko kwiyandikisha byo byaratangiye.

Umuyobozi Akilah Institute For Women mu Rwanda, Aline Kabanda, yavuze ko abona gahunda y’umugoroba na Weekend nk’inzira nyayo yo kwagura intego z’ishuri zo gutegura abagore n’abakorwa mu mirimo isobanutse.

Yagize ati “Dufite abantu benshi badafite igihe cyo kwiga ku manywa, akenshi usanga biganjemo ababyeyi n’abakozi, gahunda yacu y’umugoroba na weekend izorohereza abagore n’abakobwa gukomeza amasomo yabo kandi nta guhungabanye ku kazi kabo n’inshingano zo mu miryango yabo.”

Gahunda ya Weekend n’iya nimugoroba zizatanga impamyabushobozi mu masomo ya Hospitality Management na Information Systems, iri shuri rizakomeza kandi gutanga izo mu masomo ya Business Management & Entrepreneurship ku biga ku manywa.

Izajya itangira saa kumi n’ebyiri kugeza saa yine z’ijoro, guhera ku wa mbere kugera ku wa Gatanu, no kuwa Gatandatu kuva saa moya za mugitondo kugeza saa cyenda n’igice za nimugoroba.

Abanyeshuri bashya basabwa kwiga mu cyo bita Akilah Bridge Program, aho biga Icyongereza, mudasobwa , bakanahabwa ubumenyi mu kwandika bigatuma umunyeshuri atangira kwiga yiteguye. Gahunda ya Bridge ikurikiza iy’andi masomo ariko igahera saa 15h ikageza saa 9h30 z’ijoro buri wa Gatandatu.

Akilah itegura abagore kwisanga mu mirimo y’ibijyanye n’Ikoranabuhanga

Impamyabushobozi yo mu masomo ya Information System itangiye gutangwa vuba, ikaba iyazajya yigishwa mu mpera z’icyumweru no mu migoroba, bitewe n’umubare munini w’abantu bakomeje kubisaba.

Umuyobozi ushinzwe ibijyanye no gutegura amasomo mu Ishami rya Informatuion Systems muri iryo shuri, Faustin Soroncho, avuga ko ari ingenzi gutegura abari n’abategarugori mu mirimo ijyanye n’ikoranabuhanga.

Yagize ati “ Aho ni ho ibintu byose bisa n’aho ari ho biri kugana, byaba mu nzego z’ubucuruzi, uburezi cyangwa ubuzima. Kugira ngo dutange amahirwe angana kuri buri wese, tugomba gushyiramo abagore n’abakobwa. “

Imfashanyigisho ya Akilah itegurwa ku bufatanye n’abakoresha bo mu rwego rw’abikorera ku giti cyabo kugira ngo abanyeshuri bazasohoke bafite ubumenyi bukenewe ku isoko ry’umurimo.

Iryo shuri rifite ibyumba bine birimo mudasobwa zisaga 140, n’ikindi kirimo internet ku buryo abanyeshuri bashobora kuhakorera imyitozo.

Soroncho yongeyeho ati “ Porogaramu ya Information System yo ku ishuri rya Akilah ni yo itanga abahanga mu bijyanye n’ikoranabuhanga bitewe n’uko dushyira umwanya munini mu guha abanyeshuri umwanya uhagije wo kwimenyereza. Abanyeshuri bacu bimenyerereje mu bigo bitanga internet bya Axiom Networks, ISPA, Imaginet, na Go Ltd, iyo barangije kwiga bahita bahabwa akazi n’ibigo bikomeye nka Radisson Blue.”

Umuyobozi ushinzwe amasomo muri Akilah, Rick Daniels, avuga ko uyu mwaka Akilah iteganya gushyiraho imfashanyigisho y’uburezi bushingiye ku buhanga nyakuri bw’umunyeshuri, haba ku biga ku manywa, nimugoroba no muri weekend. Ni gahunda yiswe Competency-based education (CBE).

Yagize ati “ CBE yazanye uburyo butuma ababyeshuri bakora cyane kurusha kwitegereza. Hamwe na Akilah, kuba izaba izanye ubumenyi bukenewe muri iryo shami no ku rwego rw’akarere, bizatuma abanyeshuri bacu barangiza kwiga batiteguye kubona akazi gusa ahubwo banashobora guhangana k’umurimo.”

Guverinoma y’u Rwanda yakoze ku buryo CBE iba uburyo bw’imyigishirize mu mashuri yo mu Rwanda. Ababushyigikira bavuga ko ari bwo buryo bwiza bwo gutegura abagiye gusoza amasomo ya Kaminuza cyane ay’ubumenyingiro kuko ishingira ku cyo umunyeshuri azi n’icyo ashobora gukora aho gushingira ku magambo gusa.

Daniels yongeyeho ko “ CBE ari uburezi bw’ejo hazaza. Akilah ikazihuza n’andi mashuri makuru na Kaminuza mpuzamahanga muri iyo myigishirize.

Gahunda ya Akilah y’imyaka ibiri, yibanda cyane ku bumenyi mu miyoborere, kuvugira mu ruhame n’iterambere. Izwiho kuba isohora abanyeshuri bafite ubumenyi bukenewe ku Isoko ry’umurimo.

Akilah yatangiye kwakira abashaka kwiga haba ku manywa, nijoro no mu mpera z’icyumweru. Kugeza ubu kwiyandikisha bikorerwa ku rubuga rwa Internet arirwowww.akilahinstitute.org/apply cyangwa ukareba ibijyanye nabyo ku rukuta rwabo rwa Facebook. Ku bindi bisobanuro ushobora no guhamagara kuri 0788384060. Bizasozwa ku itariki 8 Gicurasi mbere yuko umwaka w’amashuri utangira muri Nyakanga 2017.

Akilah Institute For Women, Kaminuza rukumbi itanga ubumenyi ku bari n'abategarugori
Abagera kuri 88% mu barangije muri Akilah Institute bahita babona akazi mu mezi atandatu gusa barangije
Andi mafoto
  • Akilah Institute For Women, Kaminuza rukumbi itanga ubumenyi ku bari n’abategarugori
  • Abagera kuri 88% mu barangije muri Akilah Institute bahita babona akazi mu mezi atandatu gusa barangije
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved

Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244