APACOPE yatangije uburyo bwihariye buzafasha abakozi n’abashaka kuba intyoza mu Cyongereza

U Rwanda rubarizwa mu miryango irimo uwa Afurika y’Uburasirazuba (EAC), uw’Ibihugu bivuga Icyongereza (Common Wealth) yose ikoresha Icyongereza nk’ururimi ruhuriweho n’abaturage bayo.

Si ibyo gusa kuko u Rwanda nk’igihugu kibereye ishoramari, ubukerarugendo usanga amagana y’abanyamahanga barota kuruzmo.

Ku rundi ruhande ariko bamwe mu Banyarwanda baracyafite ikibazo cy’ubumenyi buke mu Cyongereza usanga bikiri inzitizi kuri bo haba aho bahurira n’abo banyamahanga no mu kazi kabo ka buri munsi.

Hari abikorera mu Rwanda bamaze gutera imboni ko hari Abanyarwanda bagorwa no gukoresha Icyongereza haba mu kukivuga no kucyandika bijyanye n’urwego rukenewe uyu munsi.

Kuri ubu hari amahirwe mashya yashyiriweho abafite icyo kibazo muri gahunda ihuriweho n’Ikigo APACOPE Ltd [gisanzwe gifite Urwunge rw’Amashuri rwa Apacope] gifatanyije n’Ishyirahamwe ry’Abarimu bigisha Icyongereza muri Kaminuza [ATER, Association of Teachers of English in Rwanda].

Amasomo atangirwa aho iri shuri rikorera ku mu Murenge wa Muhima mu Karere ka Nyarugenge, munsi y’ahari Ikigo cy’Igihugu cy’Ibarurishamibare hazwi nko kuri Statistique.

Abiga bahabwa ubumenyi mu byiciro bitatu birimo abatangizi bahera ku bumenyi bwo hasi mu Cyongereza, abagerageza bashaka kwihugura n’abasanzwe bazi urwo rurimi bashaka kugera ku rwego rushimishije mu kuruvuga no kurwandika.

Umuyobozi Mukuru wa APACOPE Ltd, Shamukiga Christine, yabwiye IGIHE ko nyuma yo gutanga amasomo y’amashuri y’incuke, abanza n’ayisumbuye basabwe n’abantu benshi ko bashyiraho iyi gahunda yo kwigisha Icyongereza.

Yakomeje avuga ko “Natwe twumvise ari byiza kuko ni ukwagura ibikorwa, kandi ibyiza ni uko dusanzwe dufite ibikoresho by’ikoranabuhanga rigezweho.”

“Mu mezi atandatu ndahamya ko umuntu watangiriye kuri zero yaba amaze kugera ku rwego rushimishije kandi mu gihe tugezemo Icyongereza kirakenewe nk’ururimi rukoreshwa mu bucuruzi no mu buzima bwa buri munsi. Kukiga rero ni inyongera, ni nayo mpamvu twafashe uwo mwanzuro wo kubafasha kandi tubifitiye ubushobozi.”

Bamwe mu bamaze amezi abiri biga bacyeje iyi gahunda batangaza ko hari intambwe ikomeye bateye, bifuza kugeza ku rwego rwo hejuru.

Umwe muri bo yavuze wize Kaminuza mu Gifaransa, yagannye iyi gahunda imusaba gukoresha Icyongereza mu kazi.

Yagize ati “Kutamenya Icyongereza byarambangamiraga cyane mu kazi kanjye kuko twasabwaga gutanga raporo ya buri mugoroba. Ikindi hari ubwo banyandikiraga bikaba ngombwa ko njya gusobanuza ahandi ariko ubu maze kugera ku rwego rushimishije.”

Gahunda yo kwiga iterwa n’igihe umunyeshuri ahitamo cyane ko hari abiga kuva saa munani z’amanywa kugeza saa kumi n’abatangira saa kumi n’ebyiri bakageza saa mbiri z’umugoroba.

Amasomo atangwa n’abarimu ba ATER b’inzobere mu Cyongereza kuva ku wa Mbere kugeza ku wa Gatanu.

ATER ni yo yateguye imfashanyigisho ndetse inagena abarimu bo kuyigisha.

Ushaka ibindi bisobanuro wahamagara kuri telefoni igendanwa 0786698298.


Kwamamaza