IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Umwaka wa 2016 usize BBOXX icyashye umwijima mu ngo n’amashuri 3200

Sosiyete y’Abongereza itanga ingufu zikomoka ku mirasire y’izuba, BBOXX yakoze ubusabane bwo kwishimira ibyagezweho mu mwaka wa 2016 dore ko kuva yafungura ku mugararagaro muri Werurwe umwaka ushize imaze kugeza ibikoresho bitandukanye mu ngo 1700 ndetse no mu mashuri 1500.

BBOXX ifite intego zo kuba yagejeje umuriro w’imirasire y’izuba ku ngo z’Abanyarwanda zigera kuri miliyoni 20 muri 2020 mu rwego rwo kubavana mu bwigunge no kubafasha kumenya aho iterambere rigeze nabo bakiteza imbere.

Binyuze mu gufasha abantu ku giti cyabo, imiryango ndetse n’amashuri mu kubona urumuri ndetse no gucaginga telefoni zabo, BBOXX ifasha ibihugu hirya no hino ku Isi kongera umubare w’abafite amashanyarazi.

Mu bikorwa byo gukwirakwiza ingufu zikomoka ku mirasire y’izuba mu byaro, BBOXX itanga akazi ku baturage ndetse bakanakorana n’abifuza kubahagararira hirya no hino mu turere.

Mu kwishimira ibyagezweho, Umuyobozi Mukuru wa BBOXX, Mucyo Justus yashimiye abakozi bayo uburyo bagaragaza ubwitange kuva umunsi iyi sosiyete yatangiriye gukorera mu Rwanda.

Yavuze ko batangiye bakorera i Musanze ariko ubu bakaba bafite amashami asaga 300 hirya no hino mu gihugu ndetse bikaba bizanakomeza kwiyongera muri uyu mwaka wa 2017.

Mucyo yasabye abakozi ba BBOXX gukomeza gutanga serivisi nziza nk’uko babisanganywe kugira ngo intego iyi sosiyete ifite zizagerweho.

BBOXX ni sosiyete ikomoka mu Bwongereza igamije gushishikariza no gufasha abantu gukoresha ingufu zituruka ku mirasire y’izuba, ikaba igizwe n’abakozi barenga 400 bakorera ku migabane itatu ku Isi.

Mu myaka yashize, BBOXX yacaniye imiryango irenga ibihumbi 70 ku mugabane wa Afurika ndetse no mu Majyepfo ashyira Uburasirazuba bwa Aziya.

Soma inkuru bifitanye isano hano: Mininfra yashimiye kompanyi y’Abongereza yaje kugabanya umubare w’abarara mu mwijima

Umuyobozi Mukuru wa BBOXX mu Rwanda, Justus Mucyo atangaza ko bazakomeza kwagutra ibikorwa byo kugeza amashanyarazi aturuka ku mirasire y'izuba ku Banyarwanda benshi
Abakozi b'indashyikirwa barashimiwe
Bwari ubusabane bw'abakozi ba BBOXX bishimira ibyagezweho mu mwaka umwe bamaze bakorera ku butaka bw'u Rwanda
Andi mafoto
  • Abakozi b’indashyikirwa barashimiwe
  • Bwari ubusabane bw’abakozi ba BBOXX bishimira ibyagezweho mu mwaka umwe bamaze bakorera ku butaka bw’u Rwanda
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved