Brussels Airlines izanye ‘Facebook Quiz’, irushanwa ririmo ibihembo byinshi n’itike y’indege

Ikompanyi y’indege, Brussels Airlines, yatangije irushanwa yise ‘Facebook Quiz’ rizaniye abanyamahirwe ibihembo bitandukanye birimo itike y’indege yo kugenda no kugaruka hagati ya Kigali n’i Buruseli mu Bubiligi.

Iri rushanwa rizarangira ku wa 19 Kamena 2017 ryarateguwe na Brussels Airlines ku bufatanya na IGIHE.

Abitabira iri rushanwa bakoresha imbuga zabo za Facebook, ubundi bagakanda ‘like’ ku rukuta (page) ya Brussels Airlines Africa, bagasubiza ibibazo umunani bakaba binjiye mu irushanwa.

Abantu10 bazatsinda iri rushanwa bazahabwa ibihembo birimo itike y’indege, ibitabo, amakaramu, imipira yo gukina n’iyo kwambara, ibikapu, naho uzahiga abandi mu irushanwa azahembwa kuri buri gihembo hiyongereyeho itike y’indege izamutembereza kuva i Kigali kugera i Buruseli, akagaruka.

Ku batuye mu Mujyi wa Kigali, ibihembo bazabigezwaho aho bazahitamo haba mu rugo cyangwa aho bakorera naho abari hanze ya Kigali bazajya gufata ibihembo bya bo ku biro bya Brussels Airlines biri muri Hotel Des Mille Collines i Kigali.

Brussels Airlines ni ikompanyi itanga amahitamo menshi ku bagenzi bajya cyangwa bava i Buruseli.

Iyi Kompanyi iherutse gutangiza ingendo zerekeza i Mumbai mu Buhinde. Iki cyerekezo gishya cya Buruseli-Mumbai cyiyongereye ku birenga 90 byo mu Burayi, Afurika, Amerika na Canada.

Ku bufatanye n’izindi kompanyi mu buryo bwo guhererekanya abagenzi, Brussels Airlines inasfasha abantu mu ngendo ndende zijya cyangwa ziva muri Leta Zunwe Ubumwe z’Abarabu, u Buyapani na Thailand.

Brussels Airlines yashinzwe mu mwaka wa 2002 iri mu maboko ya SN Airholding.


Kwamamaza