IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Brussels Airlines yungutse indege ya Airbus A320 yiswe “Amare”

Sosiye Brussels Airlines yungutse indege nshya yo mu bwoko bwa Airbus A320 yiswe “Amare” izafasha mu koroshya eingendo ziva ku isi hose zigana i Buruseli, mu Bubiligi, ku bantu bajya mu iserukiramuco ry umuziki ngarukamwaka rihuza urubyiruko mu gihe cy’ impeshyi rizwi nka ’Tomorrowland’.

Indege ya Amare yakozwe amezi icyenda, icyuzura yarahise ikora urugendo rwa mbere rwerekeza muri Viyena, muri Ostiria mu misni ishize, izakomeza kuzenguruka u Burayi n’ isi yose kugeza mu mwaka wa 2022.

Buri mpeshyi kuva muri 2012, Brussels Airlines ikora ingendo nyinshi ijya De Schorre mu Bubiligi, na ba mukerarugendo bava mu bihugu bisaga 200 bahujwe na Tomorrowland, Igitaramo cy’ umwimere gifatwa nk’ ihuriro rya mbere mpuzamahanga ku isi.

Amare ije kuzahuza imitima y’ abantu n’ indangagaciro z’iri serukiramuco, rihuza urubyiruko ruturuka mu mahanga yose, bakagirana ibihe byiza, banatemberezwa igihugu.

Amare ni indege yamara imyanya 180, igendera ku muvuduko wa kilometer 850 ku isaha. Ikora ingendo 50 zitandukanye mu Burayi no mu Burengerazuba bw’isi.

Nk’uko Brussels Airlines ibitangaza, kugira ngo ingendo za “Amare” zibe nziza cyane, hashyizwemo amatara yihariye mu ndege. Byongeye umuntu wese agenda anezerewe, yumva indirimbo za Tomorrowland za Hans Zimmer.

indege ya Airbus A320 yiswe “Amare”

Ikirango cya kane cy’ u Bubiligi

Amare ibaye indege ya kane yihariye Brussels Airlines yongereye mu byiza by’u Bubiligi. Brussels Airlines ifite intego yo kwerekana ibyiza by’u Bubiligi ku isi hose. Muri 2014, yafashe icyemezo cyo gutura Tintin indege ya Rakcham, ihita iba imwe mu ndege za mbere zafashwe amafoto menshi ku isi.

Muri 2015, izindi ndege ebyiri zerekanywe harimo Magritte yatuwe umushushanyi w’umuhanga René Magritte, na Trident yatuwe ikipe y’igihugu y’umupira w’amaguru. Kuri ubu, na Amare, Brussels Airlines yatuye Tomorrowland iba kimwe mu biranga u Bubiligi.

Brussels Airline ni imwe mu makompanyi agize Lufthansa Group na Star Alliance, ikaba kompanyi mbiligi ikora ingendo nyinshi ziva cyangwa zijya i Buruseli.

Iyi kompanyi ifite abakozi barenga 3,500 n’indege 49 zikora ingendo zisaga 300 ku munsi. Ihuza imigi ikomeye 90 yo muri Afurika, mu Burayi n’ indi itandukanye nka New York JFK, Washington D.C. na Toronto muri Canada. Muri uku kwezi (Werurwe 2017), iyi kompanyi izakora ingendo eshanu buri cyumweru ijya Mumbai mu Buhinde.

Ku ngendo za kure, iyi kompanyi itanga ibyicaro byo ku rwego rwo hejuru (business class) bifite ibyangombwa bigezweho, ikagira n’ibyicaro biringaniye (economic class) na byo bigezweho bifite intebe n’ibyangombwa bindi zigezweho n’ibyangombwa.

Ingendo za kure zikorwa n’i ndege zo mu bwoko bwa Airbus A330-200 na A330-300.

Brussels Airlines yashinzwe muri 2002 iri mu maboko ya SN Airholding.

Andi mafoto
  • indege ya Airbus A320 yiswe “Amare”
Contacts
IGIHE LTD
0788 74 29 08 / 0788 49 69 15
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved