Dokmai Rwanda yafunguye iduka ricuruza ibikoresho by’umwimerere bikozwe mu ruhu

Ikompanyi ikora ikanacuruza ibikapu, imikandara, amakofi by’abagore n’abagabo bikorerwa mu Rwanda, Dokmai Rwanda, yafunguye iduka muri Lemigo Hotel rizajya ribicuruza ku buryo rizafasha abajyaga kubigura hanze y’igihugu kubibona hafi yabo kandi ku buryo buhendutse.

Iyi ni imwe mu ntambwe Abanyarwanda bamaze gutera bumva akamaro ko gukoresha ibikorerwa iwabo, kuko abashinzwe kwimakaza iryo hame bavuga ko uretse no kuba bihesha agaciro igihugu, binazigama akayabo u Rwanda rwatakazaga mu byo rwaguraga hanze.

Umuyobozi Mukuru wa Dokmai Rwanda, Umunyana Bernadette, yavuze ko ajya gutangiza uwo mushinga yashakaga ko Abanyarwanda babona ibikoresho bikozwe mu mpu hafi yabo nyuma yo kubona ko nta bandi bantu babikora bigatuma abaturage babitumiza hanze y’igihugu.

Yagize ati “Nagize iki igitekerezo mu mpera za 2014 mvuye muri Aziya aho nari maze igihe nkorera ibijyanye n’ubukorikori. Nkimara kubona ko mu Rwanda nta bandi bantu babikora, nashatse gukora ibintu byiza bikorewe iwacu kandi bikazamenyekana no mu mahanga, ku buryo umunyamahanga azajya avuga ati ‘igikapu cyiza kandi gikorewe mu Rwanda’.”

Uyu muyobozi avuga ko bacuruza ibikapu byo mu ngeri zitandukanye, akaba afite na gahunda yo gukora n’inkweto mu gihe kiri imbere, kandi abantu bakabibona ku giciro kiboroheye ku buryo umuntu uko yifite n’uko yishoboye azabasha kubigura.

Dokmai Rwanda isanzwe inafite irindi duka mu Kiyovu, NewCactus Restaurant mu Karere ka Nyarugenge.

Uwakenera kurangura cyangwa kugura yabahamagara kuri telefoni igendanwa +250 783451278 cyangwa akabandikira kuri email yabo: [email protected]

Umuyobozi Mukuru wa Dokmai Rwanda, Bernadette Umunyana
Bacuruza ibikoresho byinshi bikoze mu mpu

Kwamamaza