IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Expo y’Abanyamisiri ifite umwihariko w’uko nta winjiramo ngo atahe ataguze

Imurikagurisha ry’Abanyamisiri ryatangiye tariki ya 16 Ukuboza rikaba rizasoza tariki ya 2 Mutarama 2017 rifite umwihariko udasanzwe kuko umuntu wese urigezemo abona ikintu aguramo kimubereye kuko hari igabanuka ridasanzwe ry’ibiciro.

Iyo winjiye ahari kubera iri murikagurisha uhingukira ku ntebe zo mu nzu zitandukanye,utubati, ameza imitako n’ibibikoresho byo mu ruganiriro.

Iyo wigiye imbere gato ubona ibikoresho byose byo mu gikoni nk’imashini ziteka hakoreshejwe umwuka, cuisinière, amasafuriya, amasorori, ibirahure, imashini zikora imitobe, izikora imikati n’ibindi byinshi bitandukanye.

Ku rundi ruhande uhabona ibijyanye n’imyambaro y’abagabo, abagore n’abana, amarido, amatapi, imikeka, amavuta yo kwisiga , inkweto z’abantu bose, ibikoresho by’ikoranabuhanga n’ibindi byinshi.

Mu kiganiro abateguye iri murikagurisha bagiranye na IGIHE, batangaje ko bishimiye uburyo abanyarwanda bitabiriye iri murikagurisha ku buryo bimwe mu bicuruzwa byatangiye gushira ritararangira.

Ashraf Mahmoud umwe mu bashoramari bateguye iri murikagurisha ati “Iri murikagurisha ryagenze neza, kuba byarahuriranye n’iminsi mikuru byabaye akarusho kuko bamwe mu Banyamisiri baje kumurika, ubu ibicuruzwa byabo byarashize nk’intebe zikenerwa n’amahoteli n’amaresitora zarangiye mu gihe imurikagurisha ritararangira.”

Yakomeje avuga ko bitewe n’uburyo ibimurikwa ari byiza kandi ibiciro bikaba byaragabanyijwe, ngo nta muntu usohokamo ataguze.

Ati”Twagabanyije ibiciro kugira ngo twishimane n’Abanyarwanda mu minsi mikuru ya Noheli n’Ubunani.”

Haguma Natacha, umwe mu bakorana bya hafi n’aba Banyamisiri, ahamya ko uretse no kuba iri murikagurisha ryaritabiriwe na benshi, ngo ryanatanze n’akazi.

Ati” Iri murikagurisha ryagize akamaro ku gihugu cyacu kuko aba Banyamisiri baba mu mahoteli yo mu Rwanda; batanze akazi ku banyeshuri bari mu biruhuko ndetse banagiranye ubufatanye n’abandi bacuruzi bo mu Rwanda ku buryo ari ubufatanye bwiza.”

Mukayisenge ukorana n’Abanyamisiri bari kumurika utumashi two mu gikoni twotsa imikati n’udukora imitobe, yatangaje ko bitewe n’uko ibikoresho byabo bihendutse nta wurenga ihema ryabo ataguze.

Ati” Abantu benshi baratugurira, iyo umaze kubereka uburyo utwo tumashini dukora kandi bakabona tudahenze ntawe ugenda ataguze.”

Ubuyobozi bw’imurikagurisha ry’Abanyamisiri burashishikariza abatari baryitabira kurigana kuko ribura iminsi itatu ngo risozwe, kandi ngo bagifite ibyiza byinshi bitagomba gusubirayo kandi bihendutse.

Ku munsi, iri murikagurisha ribera kuri Petit Stade ryitabirwa n’abari hagati b’ibihumbi bibiri na bitatu ariko muri weekend bwo ngo bikuba kabiri.

Ukeneye ibindi bisobanuro wabahamagara kuri 0788307168

Muri iri murikagurisha harimo amasafuriya akoreshwa hifashishijwe umwuka
Abifuza amatapi y'ubwoko bunyuranye bayahasanga ku bwinshi
Amatara atandukanye yifashishwa mu nzu nayo aboneka muri Expo y'abanya-Misiri
Si ibikoresho byo mu ngo gusa wahasanga kuko hari n'inkweto zo kwambara
Abakeneye amasaha agezweho nabo bashyizwe igorora muri iyi Expo
Intebe z'ubwo bunyuranye zagabanyirijwe ibiciro
Ibikoresho bijyanye n'ubwiza nk'amavuta n'ibindi birahari ku bwinshi
Abanya-Misiri babazaniye amasorori meza wakoresha mu minsi mikuru no mu bihe bisanzwe
Imyenda ijyanye n'igihe nayo uyisanga muri iri murikagurisha
Hamuritswe n'ibikoresho binyuranye by'ikoranabuhanga
Ku bakunda Salade nabo babafitiye utumashini tuyikora neza kandi vuba
Hari n'izindi mashini zikora imitobe ziboneka muri iyi Expo
Haguma Natasha avuga ko bitewe n'ibiciro biri hasi nta muntu uza muri iyi Expo ngo atahe adahashye

[email protected]

Andi mafoto
  • Muri iri murikagurisha harimo amasafuriya akoreshwa hifashishijwe umwuka
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved

Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244