Ibikorerwa mu Rwanda byatangiye gushyirwa kuri internet mu kubimenyekanisha

Hifashishijwe urubuga murukali.com rusanzwe rufasha abari mu Rwanda guhaha ibyo bakeneye byose bakoresheje internet, ibikorerwa mu Rwanda byatangiye gushyirwaho bikagurishwa ku biciro bisanzwe.

Mu kiganiro IGIHE yagiranye na Umuhoza Aime Tresor umukozi wa murukali.com yatangaje ko intego bari bafite bagitangira harimo no kumenyekanisha ibikorerwa mu Rwanda mu gihugu imbere no mu mahanga.

Umuhoza agaragaza ko abagana uru rubuga bagenda biyongera,
ati” Nyuma y’umwaka urenga urubuga murukali.com rushyizweho hari impinduka tugenda tubona, abantu bakomeza gutumiza ibintu bakoresheje internet kandi turabyishimira.”

Yakomeje avuga ko mu gukomeza kumenyekanisha ibikorerwa mu Rwanda batangiye gushyira ku rubuga rwabo aho wakanda, ugahita ubona ibikorerwa mu Rwanda ukanabitumiza.

Ati” Ku bantu bifuza gutumiza ibikorerwa mu Rwanda ,ubu twashyizeho umurongo ukandaho ku rubuga rwacu rwo murukali.com, ugahita ubona ibikorerwa mu Rwanda ndetse ukabitumiza ndetse ukabibonera ku giciro gisanzwe nk’uko bisanzwe bigura ahandi.”

Iibyo utumije byose bikugeraho bikiri bishya

Ubuyobozi bwa murukali.com butangaza ko ibikorerwa mu Rwanda cyane cyane ibiribwa n’ibinyobwa, ndetse n’ibikoresho bitandukanye wabibonera ku rubuga rwabo.

Umuhoza yagize ati “Ubu dufite divayi zikorerwa mu Rwanda zikorwa n’ababikira b’abakarumelita b’i Nyamirambo. Abantu barazidutuma cyane kandi uyiguze nawe aturangira undi, ugasanga ikoranabuhanga rirakoreshejwe kandi n’ibikorerwa mu Rwanda birushijeho kumenyekana.”

Yakomeje asaba abashaka kumenyekanisha ibintu byabo bikorerwa mu Rwanda kubibagezaho bakabafasha kubimenyekanisha kuko ari ukorohereza abakiriya babo kubibona batavunitse.

Aho kugurira kuri murukali.com bihagaze

Kuva urubuga murukali.com rwatangira gukora muri Mutarama 2016, ubu rugeze ku bantu basaga 1000 bamaze kwiyandikisha, kandi abasaga 600 batumije ibintu bakoresheje urwo rubuga .

Guhahira bikorwa bite?

Usura urubuga www.murukali.com , bwaba ari ubwa bwa mbere wifuza guhaha ukiyandikisha, warangiza ugafungura konti yawe, ubundi ugakomeza ugahaha ukurikije amabwiriza.

Umuntu ashobora kwishyura akoresheje mobile money, Bank transfer cyangwa akishyura ibyo yasabye bimugezeho.

Ikompanyi murukali ifite ububiko mu isoko rya Nyarugenge, ku buryo ibicuruzwa byose utumije bihita bikugeraho bikiri bishyashya.

Umuhoza Aime Tresor, umukozi wo murukali.com

Kwamamaza