IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Imashini nshya iteka ishobora gucungura miliyoni 15 ku mwaka yagejejwe mu Rwanda

Imashini nshya iteka hifashishijwe ikoranabuhanga “Self Cooking Center Rational” yakozwe mu 2016, ishobora kugabanya ingano y’amafaranga asaga miliyoni 15 kuyo hoteli cyangwa resitora iciriritse byakoreshaga mu gihe cy’umwaka, yagejejwe mu Rwanda.

Iyi mashini yakozwe n’Uruganda rw’Abadage rwitwa “Rational” rukorera mu Budade rukanagira amashami hirya no hino ku Isi, ifite umwihariko uyitandukanya n’izindi zakozwe mbere y’iyi.

Ubwo yerekanaga imikorere yayo ku Muhima, ku cyicaro cya KeyStone Hosptality ihagarariye urwo ruganda mu Rwanda, ikaba ari nayo izajya igurwaho iyo mashini, Umuyobozi uhagariye Rational muri Afurika, Olivier Aimon, yavuze ko izakemura ibibazo by’umwanda, ikanatanga ibiribwa vuba kandi mu buryo buhendutse.

Yagize ati “Iyi mashini ikoranye ikoranabuhanga rihanitse, ibyo wayitekesheje bishya mu gihe gito kandi bifite isuku. Uretse n’ibyo ibyo ikora biba bihendutse kubera uburyo ikoze. Aha ndavuga mu buryo bw’ingufu (energy), ibyo ikora byagakozwe na benshi bikorwa n’umwe nawe anakora n’ibindi cyangwa anaruhuka mu gihe ananiwe.”

Imibare yakozwe n’abakora mu ma hoteli yashyizwe hanze mu gikorwa cyo kumurika iyi mashini, igaragaza ko imashini isanzwe ishobora gukoresha ibikoresho (cost) bifite agaciro k’ibihumbi 100 ku munsi mu gihe ukoresha Self Cooking Center azakoresha ibikoresho bigabanutseho ibihumbi 40.

Self Cooking Center igabanya 35 % by’ibikoresho byose (row material) bikoreshwa (igabanya 95% by’amavuta akoreshwa n’izindi mashini zisanzwe, 20% by’ibikoresho by’ibanze (row material), abakozi bateka n’ibindi.) Ni ukuvuga umuntu ukoresha iyi mashini muri hoteli iciriritse azajya asagura miliyoni 15 z’ibyo ukoresha izisanzwe akoresha ku mwaka.

Uwihanganye Jean Claude, umwe mu bakozi b’amahoteli bari baje mu muhango wo gusobanurirwa iyi mashini yavuze ko hari itandukaniro mu mikorere yayo n’izo asanzwe abona aho akorera.

Yagize ati “Nabonye iyi mashini izajya yihutisha akazi, mbonye iteka byinshi mu gihe gito. Nk’ibintu byatwaraga iminota 30 mbonye itagera no mu 10.”

Umuyobozi mukuru wa KeyStone Hospitality ihagariye uru ruganda mu Rwanda, Gracien Gakwaya, yavuze ko aho Isi igeze nta muntu ukwiye kwicara ngo atuze akaba ariyo mpamvu barebye icyo ibindi bihugu byagezeho bakifuza kubisangiza Abanyarwanda.

Yagize ati “Iyo turebye aho abandi bageze, natwe biduha ishyaka kugira ngo dufatanye n’abasa nk’aho baturi imbere mu ikoranabuhanga, tukabazana mu Rwanda, kuko hari benshi batabasha kuhagera n’abandi batarasobanukirwa nabyo. Ngo bamenye ibijyanye no guteka n’ibikoresho byo guteka. Ikindi ntakwibagirwa ni uko tugomba guha abatugana ibyo tubagomba ku gihe. Birababaza iyo umukiriya umubwiye ngo tegereza iminota runaka warangiza ukayirenza.”

Yakomeje avuga ko ubu bari kumvikana n’uru ruganda ku buryo bagira igiciro cy’umwihariko gishyirirwaho Abanyarwanda kandi ko mu minsi miKe baba bamaze gutangaza igiciro cyorohereza buri wese kuba yatunga iyi mashini bitewe n’ingano y’iyo yifuza.

Bimwe mu biranga iyi mashini

 Iyi mashini icanishwa gaz, ku munsi igakoresha ibiro bitarenze bitanu

 Buri kintu gitekwa, ikigenera iminota kitagomba kurenza, uyikoresha asabwa gukanda ahabugenewe.

 Ikora mu buryo bwa touch screen, kandi igira uburyo bwo guhitamo ururimi ushaka.

 Ifite ahantu henshi ho gushyira ibitekwa ku buryo uteka yatekera rimwe ibintu byinshi.

 Ishobora gucomekwaho umugozi muremure ku buryo umuntu ashobora kuyikoresha atari hafi yayo.

 Hari uburyo bwo kubona porogaramu itanga amabwiriza y’uko ikoreshwa kuri murandasi ku buntu.

 Ibiryo byahiraga iminota 20 mu mashini isanzwe bishobora guhira itandatu.

 Muri KeyStone, bafite abantu babihuguriwe, igize ikibazo bahita bagikemura.

Rational ni uruganda rwa mbere rukora ibikoresho by’ikoranabuhanga kuva mu 1973, rukorera mu bihugu byinshi bitandukanye, naho Keystone ikorera ku Muhima, isanzwe icuruza ibikoresho byo mu gikoni, iby’amahoteli, gukora installation y’ibyo bikoresho n’ibindi.

Izi mashini ziri kugezwa ku bakiriya ku bufatanye bw’uruganda Rational, Sheffield Steel yo muri Kenya na KeyStone yo mu Rwanda.

Abakozi b'amahoteli baje kureba imikorere y'imashini ya Self Cooking Center Rational
Abakozi bo mu mahoteli atandukanye
Gracien Gakwaya uyobora KeyStone aganira n'itangazamakuru
Hoteli iciriritse ikoresha byibuze miliyoni 15 z'amafaranga y'u Rwanda ku mwaka
Bacuruza ibikoresho by'amoko atandukanye
Iyi mashini ifite ahantu hashyirwa ibitekwa byinshi
Keystone ikorera ku Muhima
Olivier Aimon asobanura imikorere yayo
Iyi mashini iteka ishobora gucungura miliyoni 15, ku mafaranga akoreshwa n'izindi mashini mu gihe cy'umwaka
Andi mafoto
Contacts
IGIHE LTD
0788 74 29 08 / 0788 49 69 15
info@igihe.com.com
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
info@igihe.com, marketing@igihe.com

Website Developped by

Copyright © 2009 -2014 - IGIHE Ltd - All Rights Reserved