IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Ingeri z’abantu bakoroherwa n’ubuzima baramutse bitabiriye guhahira kuri internet

U Rwanda ruza mu bihugu bya mbere muri Afurika mu kwimakaza ikoranabuhanga ndetse umubare munini w’abaturage bakoresha internet uri kwiyongera ubutitsa kuko mu mwaka ushize bari ku kigero cya 32%.

Umubare w’abahahira kuri internet nawo ugenda uzamuka bitewe n’uko abantu barushaho gusobanukirwa, uko bashobora koroherezwa ubuzima binyuze mu gukoresha ikoranabuhanga.

Imwe mu ntambwe yatewe ni ishyirwaho ry’iduka ricururiza kuri internet ibintu bitandukanye rizwi nka murukali.com rishimangira uko internet igenda ikwirakwizwa bikajyana n’umubare w’abayikoresha mu bucuruzi.

Abasaga ibihumbi bitanu bo mu Mujyi wa Kigali bamaze guhahira kuri uru rubuga rumaze imyaka isaga ibiri rutangiye gukora.

Hari ingeri z’abantu bashobora koroherwa n’ubuzima kubera ibyiza byo guhahira kuri internet kugira ngo ubu bucuruzi burusheho kwimakazwa n’abantu benshi.

Ingeri z’abantu byakorohereza ubuzima baramutse bahahira kuri internet

1. Abakozi bo mu bigo bya Leta cyangwa iby’abikorera

Abantu nk’aba baba bafite akazi bakora kuva ku wa Mbere kugeza ku wa Gatanu no kuwa Gatandatu usanga akenshi bahuze cyane. Benshi muri bo baba bafite igihe gito ku buryo bagira imbogamizi yo kubona umwanya wo kujya guhaha. Nyamara bagomba kujyayo kuko hari ibyo bakenera kugira ngo babashe kubaho.

Aba bakozi kimwe n’abandi bakorera umushahara w’ukwezi bifuza kutazagwa mu mutego wo gukoresha amafaranga menshi ku yo bahembwa bityo bikaba byabatera guhora mu madeni.

Guhahira kuri internet rero byabarinda kujya bagura n’ibyo badafite muri gahunda cyangwa se kuba bagura ibintu bibi kubera ko nta mwanya wo gutinda ngo bahahe ibintu byiza bifite ubuziranenge.

2. Ababyeyi babyaye

Ababyeyi bamaze igihe gito babyaye ntibibashobokera gusiga uruhinja ngo babe bajya guhaha nyamara ahubwo usanga baba bakeneye ibintu byinshi byaba ibyabo ku giti cyabo, iby’umwana wavutse ndetse n’ibyo mu rugo.

Guhahira kuri internet rero ni igisubizo dore ko hari ubasha gutuma umukozi akamuzanira ibyo atari akeneye bitewe nuko atabizi.

3. Ababyeyi bari mu myiteguro y’ubukwe bw’umwana wabo

Mu muco nyarwanda mu gihe cy’ubukwe , akenshi usanga ababyeyi baba bafite ibintu byinshi bitandukanye baba bagomba kugurira umwana wabo washyingiwe ngo abitahane.

Bitewe n’uko abo babyeyi baba bakeneye ibintu byinshi, kuba bahahira kuri internet ni byo byabafasha kuba batagira icyo bibagirwa na kimwe ndetse akarusho bikanabarinda guta umutwe, ahubwo ibyo bakeneye bakabizanirwa iwabo mu mu rugo.

4. Urugo rushya

Iyo tuvuze urugo rushya, benshi bumva urugo rw’abageni bagishakana nabo guhahira kuri internet bibagirira akamaro kuko akenshi uba usanga baba bakeneye kwiyitaho. Ibi bituma umwanya wo kujya ku isoko uba ingorabahizi kuko baba bashaka kugumana bakakira abashyitsi babasura, mu rugo rushya. Ibi biba akarusho iyo bagumanye bakabaganiriza.

5. Ingaragu

Abantu bakiri ingaragu nabo guhahira kuri internet bibafitiye akamaro kuko akenshi usanga bataba bazi uko ibiciro bihagaze ku isoko, rimwe na rimwe bagahendwa bitewe n’uko batabasha kubikurikirana. Iyo bayobotse inzira yo guhahira kuri internet birabafasha cyane bagahaha ibyo bakeneye kandi badahenzwe.

6. Abanyamahanga

Umunyamahanga cyangwa se umushyitsi mu gihugu nawe biramworohereza guhahira kuri internet. Abenshi ntabwo baba bazi aho bakwerekeza, hari igihe bagerayo bagahendwa kuko badasanzwe bazi uko ibiciro bimeze.

Guhahira kuri internet nibwo buryo bwiza aba afite bwo kubona ibyo yifuza adakoze ingendo.

7. Abayobozi bakuru

Abayobozi bakuru nubwo akenshi hari ababa bafite abashinzwe kubahahira, nabo hari igihe bifuza kwihahira ibintu runaka. Kuribo kuko batajya ahantu hahurira abantu benshi nko mu isoko ahanini kubera umutekano wabo guhahira kuri internet nibwo buryo bwiza bakoresha kugira ngo bagezweho ibyo bifuza byose biboneka ku isoko.

8. Ibyamamare

Abantu bazwi cyane bakunda gushagarwa ku bw’izina baba barubatse, iyo bahora ku isoko bituma agaciro kabo imbere y’ababihebeye kagabanuka kubera guhozwaho ijisho.

Guhaha bakoresheje internet bibafasha guhaha ibyo bifuza byose batagiye ahantu hatandukanye ngo abantu basanzwe babahararukwe kuko baba biriranwa.

10. Abifuza gutanga impano

Ku bantu baba bifuza gutanga impano cyangwa ibihembo guhahira kuri internet biraborohera bigatuma bamenya ibigezweho kandi byiza.

Kugira ngo uguze ibicuruzwa bimugereho ako kanya, abafite iduka murukali.com ricururiza ibintu byose kuri internet bafite imodoka ihita ibigeza aho umukiriya ubikeneye aherereye.

Bafite abakozi bakurikirana bakamenya niba ibyo umukiriya yasabye byamugezeho
Uguze ibicuruzwa anyuze ku rubuga murukali.com, hari imodoka imufasha kubigeza aho aherereye
Andi mafoto
  • Bafite abakozi bakurikirana bakamenya niba ibyo umukiriya yasabye byamugezeho
  • Uguze ibicuruzwa anyuze ku rubuga murukali.com, hari imodoka imufasha kubigeza aho aherereye
Contacts
IGIHE LTD
0788 74 29 08 / 0788 49 69 15
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved