IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Kaminuza ya Kigali imaze gutera intambwe mu kubaka ireme ry’uburezi mu Rwanda

Kaminuza ya Kigali (University of Kigali), imwe mu zigenga zikorera mu Rwanda imaze kubaka ubudasa mu gutanga uburezi bufite ireme mu Rwanda ikaba imwe mu zigize Ihuriro rya Kaminuza zo muri Afurika y’Iburasirazuba(Inter University Council of East Africa, IUCEA) ndetse yemewe na leta y’u Rwanda mu buryo budasubirwaho.

Kaminuza ya Kigali yafunguye imiryango mu Ukwakira 2013, mu myaka itatu imaze kugira abanyeshuri bagera ku 4500 mu cyiciro cya kabiri n’icya gatatu aho ikorera ku ishami rya Kigali n’i Musanze mu Ntara y’Amajyaruguru.

Abagera kuri 700 basoje amasomo mu gihe gishize ndetse iritegura gushyira abandi ku isoko ry’umurimo muri uyu mwaka.

Kaminuza ya Kigali ifite amashami atatu ari yo irya ‘Business Management and Economics’, ‘Information Technology and Architecture’, ‘Law and the School of Post Graduate Studies.’ Ifite kandi ishuri ry’icungamutungo(Accountancy’) na porogaramu ya ‘CISCO’(‘ Centre for Economic Governance and Leadership’.

Gutanga uburezi bufite ireme Kaminuza ya Kigali ibikesha ubufatanye na kaminuza z’ikimenyabose zo mu Buhinde, u Budage na Kenya bituma iganwa n’abanyeshuri baturutse mu bihugu bya Nigeria, u Burundi, Uganda, Kenya, Tanzania, Sudani y’Epfo na Repubulika Iharanira Demokarasi ya Congo.

Iyi Kaminuza ifite ibikoresho bihagije bifasha abanyeshuri kugira ubumenyi buhagije, birimo ibyumba by’amashuri, ibyo kwigiramo mudasobwa, amasomero n’abakozi babifiye uburambe n’ubushobozi bihagije. Hamwe n’igishushanyombonera cy’Icyicaro cyayo mu Kiyovu(mu mujyi wa Kigali rwagati), ni yo Kaminuza mu zigenga izaba iifite inyubako igezweho iberereye ibikorwa by’uburezi mu Rwanda no mu karere.

Muri iyi Kaminuza ubushakashatsi ni ikintu cy’ibanze mu kugerageza gukemura ibibazo byugarije abanyarwanda haba mu guteza imbere imiyoborere, ibigo bito n’ibiciriritse, kwihangira umurimo, gutegura no gushyira mu bikorwa imishinga ibyara inyungu n’ibindi.

Muri uyu mwaka Kaminuza ya Kigali yateguye inama mpuzamahanga ihuza inzobere mu burezi ziturutse hirya no hino ku isi(International Conference on Advances in Business and Information Technology & Doctoral Colloquium ,ICBITDC, 2017) yahuje abashakashatsi, abanyeshuri, abarimu, inzego zifatirwamo ibyemezo n’izindi nararibonye, ku bufatanye na Kaminuza y’Abahinde yitwa Shri Ram College of Commerce, University of Delhi n’iyo muri Namibia, University of Science and Technology, Windhoek. Haganiriwe ku ngingo zirimo ubukungu, imiyoborere, icungamutungo, ikoranabuhanga, ubucuruzi n’izindi.

Ku cyiciro cya ‘Bachelor’ itanga amasomo ya ‘Accounting’, ‘Finance’, ‘Procurement’, ‘Public Administration & Local Governance’, ‘Bachelor of Information Technology (BIT)’, ‘Bachelor of Business Information Technology (BBIT)’ na ho ku rweo rwa ‘Masters’ hari ‘Business Administration’, ‘Science in Finance’, ‘Information Technology,’ ‘Commerce,’ ‘Public Administration’ n’ayandi.

Ishuri ry’icungamutungo rya Kaminuza ya Kigali ritanga amahugurwa ku bakozi bo muri iyi ngeri bari mu kazi, itanga amasomo yo kunoza umwuga w’abakora ibijyanye n’icungamutungo(ACCA), Chartered Institute of Management Accountants(CIMA), CPA-R, CPA-K, CAT, ATD, CIFA na IPSAS.

Andi mafoto
Contacts
IGIHE LTD
0788 74 29 08 / 0788 49 69 15
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved