Kigali: Spiderman Game Center bafite imikino ikangura ibitekerezo by’abana

Abahanga bavuga ko umwana ukina akura neza, atekereza vuba,akitinyuka , ntabe umunebwe ndetse akumva yishimiye ubuzima ndetse akanakura neza mu bwenge no mu gihagararo.


Nyuma yo gusanga ababyeyi bamwe batarakangukira akamaro ko gukina kw’abana ndetse n’ababikangukiye bakabura ahantu hisanzuye ho kujyana abana babo, umunyarwandakazi Jovia Nkurunziza yashatse igisubizo maze atangiza ikigo Spiderman Game Center kigenewe abana ngo bidagadure.


Mu kiganiro yagiranye na IGIHE Jovia yatangaje ko gutangiza Spideman Game
Center mu nyubako ya Makuza Peace Plaza ari ukugira ngo ababyeyi
bahakorera, abahasura ndetse n’abandi bose bo mu mujyi wa Kigali babone ahantu hisanzuye , hari ibikoresho byose bituma umwana akanguka mu mitekereze 
kandi akishima.

Ati “Nanjye ndi umubyeyi najyaga mbura ahantu hisanzuye ho kujyana abana banjye, ikindi nagiye mbona ababyeyi badaha agaciro ibijyanye n’imikino y’abana .Nahisemo gushaka uburyo natangiza iyi serivi nkayishyira ahantu hazwi kandi hubatse neza kugira ngo no mu gihe imvura igwa itabuza abana gukina kandi bisanzuye.”

“Ikindi ni uko abana batugana tubigisha gukuza impano zabo iyo bamaze gukina, tubigisha nko gushushanya, kuririmba , kuvugira mu ruhame (Poems) kugira ngo batinyuke.”

Jovia ahamya ko umwihariko wa Spiderman Game Center ari uko batanga 
serivisi nziza ndetse bakaba biyumva mu bana cyane ku buryo umwana ntacyo yabura kandi yahageze.


Ati “Tubikora tubikunze , bituri ku mutima, ibijyanye no kubitaho ni ibintu bitubamo. Ikindi navuga ni uko uretse kuba dufite ibikoresho bakiniraho nk’amafarashi, gutwara imodoka, gutwara indege n’ibindi bitandukanye hari n’ibindi bikinisho dushobora kujyana hanze mu gihe hari ufite ibirori mu rugo, ku bigo by’amashuri cyangwa n’ahandi aho ari ho hose tukabafasha kwishima.”

Si ibikinisho gusa, kuri Spiderman Game Center bategura n’ibirori ku bantu babyifuza (event management) aho byaba biri bubere hose byaba ari iby’abana cyangwa abantu bakuru.

Bategura kandi ibirori bisoza ibiruhuko , bakakira amashuri akenera aho gukinishiriza abana cyangwa kubasohokana maze abana bagasubira ku ishuri bishimye kandi bafungutse mu mutwe.

Mu mpera za buri mwaka bategura umunsi wo gusangira noheli n’abana wiswe (Christmas Kids Festival) bakidagadura ndetse bagahabwa n’impano .

Ikindi ni uko Spiderman Game Center ariho honyine wasanga ibikinisho byiza,bigezweho,serivisi nziza kandi ku giciro kibereye buri wese.

Ababyeyi basohokanye abana babo muri Spiderman Game Center bahasanga ibiryo byiza, ibyo kunywa, imyenda, ibikinisho (toys) n’ibindi byinshi.


Spiderman Game Center bakorera mu nyubako ya Makuza Peace Plaza mu igorofa ryo hasi (ground floor) , ukinjira usanganirwa no kubona ibikinisho bitandukanye no kumva uturirimbo twiza tw’abana. Spiderman Game Center bakora iminsi yose.

Ukeneye ibindi bisobanuro wasura urubuga rwabo arirwo : www.spidermangamecenter.com, wabasura kandi kuri facebook kuri spiderman Game Center with9D cinema, kuri twitter ni: Spidermancenter na ho Instagram 
ni :Spidermangamecenter.

Ushobora kandi kubahamagara kuri +250788287999 cyangwa ukabandikira kuri email yabo:[email protected]

Bakorera mu nyubako ya Makuza Peace Plaza
Buri mwana wese ahava aseka kandi yakangutse mu bitekerezo

Kwamamaza