IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Ku nshuro ya mbere Lamoda Event yateguye imikino y’ubusabane hagati y’abana n’ababyeyi

Nyuma yo kubona ko ibirori bitandukanye byitabirwa n’abakuze n’urubyiruko, abana bakagira igihe gitoya cyo kwidagadurana n’ababyeyi babo,ikompanyi Lamoda Event yiyemeje gutangiza igikorwa cy’imikino itandukanye izafasha ababyeyi n’abana kwishimana mu gihe cy’iminsi ibiri.

Lamoda Event ni ikompanyi ikora ibijyanye no gutegura ibirori, kuri iyi nshuro bakaba barateguye imikino y’ubusabane yahariwe guhuza abana n’ababyeyi bakishimana mu cyo bise Kids Fair.

Mu kiganiro IGIHE yagiranye na Ange Dorine Karegire, Umuyobozi wa Lamoda Event yatangaje ko iki gikorwa bagiteguye mu rwego rwo gufasha abana kwidagadura muri ibi bihe by’ibiruhuko bari kumwe n’ababyeyi babo.

Ati “Dusanzwe dutegura ibirori,ariko ni ubwa mbere duteguye igikorwa nk’iki cy’imyidagaduro hagati y’abana n’ababyeyi kuko usanga muri iyi minsi ababyeyi bahuze cyane batakibona uko basabana n’abana babo.”

Ange Dorine akomeza avuga ko impamvu bafashe iminsi ibiri kuva tariki ya gatatu kugeza tariki ya kane Ukuboza 2016 (3-4/12/2016) ari uburyo bwo kugira ngo utazaboneka umunsi wa mbere azaboneke ku munsi wa kabiri.

Ati “Turifuza ko hatagira umubyeyi uzabuza amahirwe umwana we yo kumuzana bakisanzuranaho binyuze mu mikino.

Twateguye aho twise Adults Corner bazaba bafatira ibiribwa n’ibinyobwa, bakabasha gukurikirana imikino mpuzamahanga izahuza Man City na Chelsea ku wa Gatandatu saa munani n’igice ndetse n’uzahuza Real Madrid na Barcelona saa kumi n’imwe na cumi n’itanu z’umugoroba .”

“Abadakunda kureba umupira twabateguriye imikino nka monopoly, igisoro, amakarita, chess, checkers bakabasha kuruhuka neza.”

Muri icyo gikorwa, kwinjira bisa nkaho ari ubuntu kuko mu bihumbi icumbi (10,000frw) umuntu azishyura azahita ahabwa udutike 20 buri kamwe gafite agaciro k’amafaranga .

Magana atanu ku buryo ushaka kugura icyo kurya cyangwa kunywa azajya atanga utwo dutike, bitewe n’agaciro k’icyo ashaka kugura.

Imikino yateguwe ku bana

Hateguwe imikino itandukanye ku bana harimo nka Bouncing Castles,Trampoline,Puppet show,face painters, mascots, clowns,ballon arts, group games, santa ,claus , sandbox, mascots, clowns n’iyindi.

Aho bizabera

Ibyo birori byo kwidagadura bizabera mu busitani bwo kuri Croix-Rouge y’u Rwanda, ku muhanda ugana kuri Utexrwa, bikazajya bitangira saa tatu za mu gitondo bikarangira saa kumi n’ebyiri z’umugoroba.

Ukeneye ibindi bisobanuro wabandikira kuri [email protected] cyangwa ukabahamagara kuri 0788464179 no kuri 0737941325.

Iki gikorwa Lamoda Event yagitewemo inkunga na Skynet, Simba Supermarket, Skol Brewery Ltd, Soras, Garuka Coffee, Mobaco, Sulfo, GTC

Andi mafoto
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved