“Learn English with Liza”, uburyo bwo kwiga Icyongereza buri wese na mwarimu we

Icyongereza nk’ururimi rukoreshwa n’abasaga miliyoni 375 ku isi ndetse rugakoreshwa nk’ururimi rw’ibanze mu bihugu 50, ni byiza ko buri wese ushaka kudasigara mu iterambere arumenya kugira ngo rumufashe mu bikorwa bye bya buri munsi.

Agamije gushaka icyo yafasha Abanyarwanda ngo be kujya baceceka aho bakagombye kugira ijambo, cyangwa ngo babure amahirwe kuko batumvise ibivuzwe, Madrine Batamuliza (Liza), rwiyemezamirimo ukiri muto, yatangije uburyo bwo kwigisha Icyongereza buri muntu na mwarimu we.

Mu kiganiro yagiranye na IGIHE yavuze ko ashaka kuzana uburyo bushya bwo kwigisha Icyongereza, umunyeshuri akiga we na mwarimu bonyine kuko aribwo umuntu akimenya vuba kurenza kwigishirizwa muri rusange.

Avuga ko mu miryango mpuzamahanga no mu bigo bitandukanye yagiye akoramo yasanze hari abanyarwanda n’abandi bakomoka mu bihugu bitavuga Icyongereza nk’ururimi rw’ibanze bifata nyamara bakagombye kugira ibitekerezo batanga.

Ati “Ugasanga nk’umuntu yitabiriye inama cyangwa ibirori ariko akaba ariwe utaha adatanze ibitekerezo mu gihe abandi bisanzuye bakavuga. Nabonye ko ikibazo ari uko aba atiyizeye mu rurimi agatinya ko bamuseka.

Ibyo byose kubikosora ni uko umuntu agomba kwigana na umwarimu bonyine uwiga akavuga mwarimu akamukosora nta wundi uhari ngo aramuseka cyangwa ngo na we atinye kuvuga ngo abandi batabona ko nta bumenyi afite namba.”

Ikigo Learn English with Liza gifite ibitabo, CD ziriho ibiganiro ku buryo umuntu ugorwa ko kumva icyo bavuze cyangwa no kuvuga abasha kubyigiraho akabimenya vuba.

Bigisha Icyongereza cyaba igikoreshwa mu buvuzi, ubucuruzi, ubukerarugendo, mu biro, mu ibaruramari, mu mahoteli, mu burezi n’ahandi.

Ukeneye kugira ibindi bisobanuro ubaza wabandikira kuri +250736248240 cyangwa kuri +250784276360no kuri 0785818344

Ushobora no kubandikira kuri [email protected] no kuri [email protected]

Wanasura facebook yabo ari yo: Learn English with Liza.


Kwamamaza