IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

MTN Rwanda yatangije ukwezi kw’ubukangurambaga irata akamaro ko gukoresha Mobile Money

Sosiyete y’itumanaho ya MTN yatangije ukwezi kwahariwe ubukangurambaga bugamije gukundisha no kwereka abantu bose ibyiza byo kutagendana amafaranga ahubwo bagakoresha Mobile Money.

Kuri uyu wa mbere Ugushyingo 2016, ubwo Norman Munyampundu, Umuyobozi mukuru ushinzwe ubucuruzi muri MTN yatangizaga ku mugaragaro uku kwezi kw’ubukanguramba gufite insanganyamatsiko igira iti “ Kubaho utitwaza amafaranga” yagaragaje impamvu zabwo.

Ati“Ubu bukangurambaga bugamije kwishimira amahirwe atandukanye gukoresha Mobile Money bitugezaho nk’umuntu ku giti cye, ku bigo binini ndetse n’ibitoya.”

Munyampundu yakomeje agira ati “Gukoresha Mobile Money byateje imbere ubukungu bw’igihugu muri gahunda yo kutagendana amafaranga kuko usanga bwizewe kandi n’umutekano w’amafaranga uhamye.”

Muri uku kwezi abazakoresha Mobile Money bagura amayinite yo guhamara bazabona inyongera ya 20%,ikindi kohereza amafaranga muri Uganda, Kenya, Zambia ni ubuntu kimwe no kubikuza no kubitsa ku byuma byabugenewe.

Ubuyobozi bwa MTN bugaragaza ko buzakomeza gukora ibishoboka byose ku buryo aho umuntu atuye hose azajya agerwaho na serivisi za MTN.

MTN Rwanda ubu ifite abakiriya basaga miliyoni bakoresha Mobile Money mu buryo buhoraho aho bahererekanya miliyoni zigera kuri 70 ku kwezi.

Andi mafoto
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved